WHMIS ᐃᒪᓐᓇ ᑐᑭᖃᖅᐳᖅ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑐᓂᒃ ᑭᓱᑐᐃᓐᓇᓂᒃ ᑐᓴᐅᒪᖃᑎᒌᒃᑎᑦᑎᓂᖅ ᐊᔪᕆᖅᓲᔾᔨᓯᒪᓪᓗᓂᓗ ᐃᖅᑲᓇᐃᔭᕐᕕᖕᒥ ᑭᓱᑐᐃᓐᓇᓂᒃ ᐊᑦᑕᕐᓇᖅᑐᓂᒃ ᓇᓂᔭᐅᔪᓂᒃ ᓇᓗᓇᐃᖅᓯᔪᓐᓇᕐᓂᒃᒥᒃ. ᐃᖅᑲᓇᐃᔭᖅᑎᓂᒃ ᖃᐅᔨᒪᑦᑎᐊᓕᖅᑎᑦᑎᓂᐊᖅᐳᖅ ᑭᓱᑦ ᐊᑦᑕᕐᓇᖅᑐᑦ ᐱᑕᖃᕈᓐᓇᕐᒪᖔᑕ ᐊᒻᒪ ᖃᓄᖅ ᑲᒪᒋᔭᕆᐊᖃᕐᒪᖔᑕ, ᑐᖅᑯᑦᑎᐊᕐᓗᒋᑦ, ᐊᒻᒪ ᐋᖅᑭᑦᑎᐊᕐᓗᒋᑦ ᖁᐊᖅᓵᕐᓇᖅᑐᑦ ᑭᓱᑐᐃᓐᓇᐃᑦ. ᐅᑯᐊ WHMIS-ᑯᑦ ᐱᓕᕆᐊᒃᓴᖏᑕ ᐃᓚᖏᑦ ᐱᖁᑎᓂᒃ ᐊᑦᑕᕐᓇᖅᑐᑦ ᒥᒃᓵᓄᑦ ᑎᑎᕋᕐᕕᒃᓴᐃᑦ (MSDS), ᓴᖅᑭᑎᑕᐅᔪᑦ ᓇᓕᖅᑲᖏᑦ, ᐊᒻᒪ ᐃᖅᑲᓇᐃᔭᖅᑎᓄᑦ ᐃᓕᓐᓂᐊᖅᑕᐅᔪᒃᓴᑦ.
WHMIS 2015 ᓴᖅᑭᓯᒪᓕᖅᐳᖅ
ᕕᕝᕗᐊᕆ 11, 2015-ᒥᑦ, WHMIS 2015 ᐊᑐᓕᖅᑎᑕᐅᓚᐅᖅᐳᖅ, ᐃᓚᓕᐅᔾᔨᓪᓗᓂ ᓄᓇᕐᔪᐊᓕᒫᒥ ᐊᔾᔨᒌᓕᖅᑎᑕᐅᓯᒪᔪᒥᑦ ᐋᖅᑭᒃᓱᖅᓯᒪᔪᓂᒃ ᐊᒻᒪ ᓇᓕᖅᑲᓕᖅᓯᒪᓪᓗᑎᒃ ᐃᓚᐅᕈᑎᒃᓴᐃᑦ (GHS). ᓄᑖᖅ, ᑲᓇᑕᒥ ᐊᐅᓚᑕᐅᓯᒪᔪᑦ ᖃᕆᓴᐅᔭᒃᑯᑦ ᑐᑭᓯᒋᐊᕈᑎᒃᓴᐃᑦ ᐅᕗᖓ ᑕᑯᒋᐊᕈᓐᓇᖅᐸᑎᑦ WHMIS.org ᐃᑲᔫᑎᒃᓴᓂᒃ ᑕᑯᔪᒪᒍᕕᑦ ᐊᒻᒪ ᑐᑭᓯᒋᐊᒃᑲᓐᓂᕈᒪᒍᕕᑦ.
ᓄᓇᕐᔪᐊᓕᒫᒥ ᐊᔾᔨᒌᓕᖅᑎᑦᑎᓯᒪᔪᑦ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᖓ ᑕᑯᒋᐊᕐᓗᑎᑦ ᑲᓇᑕᒥ ᑐᑦᑕᕐᕕᒋᔭᐅᔪᖅ ᐃᖅᑲᓇᐃᔭᕐᕕᖕᒥ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ (CCOHS) ᐅᕝᕙᓘᓐᓃᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᓇᑕᒥ.
ᐃᒥᓄᑦ ᓄᑖᖅ ᐱᓕᕆᐊᖑᖃᑦᑕᖅᑐᑦ ᐅᓪᓗᒥ ᖃᐅᔨᓴᕐᓗᒋᑦ ᐃᓕᓐᓂᐊᕋᓱᒡᓗᓂ ᖃᕋᓴᐅᔭᒃᑯᑦ ᑲᓇᑕᒥᑦ ᑐᑦᑕᕐᕕᒋᔭᐅᔪᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ.
ᒫᓐᓇ ᐊᑐᐃᓐᓇᐅᔪᖅ ᐃᓄᒃᑎᑐᑦ! ᐊᑎᓕᐅᖃᑕᐅᔪᒪᒍᕕᑦ, ᖃᐅᔨᒋᐊᕈᖅ CCOHS (ᑲᓇᑕᒥ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐱᓕᕆᕝᕕᖕᒥ) ᐊᑎᓕᐅᕈᑎᖃᕐᕕᐊᓂ.
