ᐃᖅᑲᓇᐃᔭᖅᑎᐅᓂᕐᒧᑦ ᐱᔨᑦᑎᕋᕐᕕᐅᕙᖕᓂᕐᒧᑦ ᐊᐱᖅᑯᑕᐅᒐᔪᒃᑐᑦ ᐊᐱᖅᑯᑎᒃᓴᐃᑦ

ᐊᑕᖏᖅᖢᒋᑦ ᓇᖕᒥᓂᖃᖅᑎᐅᔪᑦ ᐊᐅᓚᓂᖃᖅᑐᑦ ᐃᓗᐊᓂᑦ ᓄᓇᕘᒥᑦ ᐊᒻᒪᓗ ᓄᓇᑦᑎᐊᒥᑦ ᐃᖅᑲᓇᐃᔭᖅᑎᖃᖅᑐᑦ ᐅᓂᒃᑳᖃᑦᑕᕆᐊᖃᖅᑕᖏᑦ ᐊᑭᓖᖃᑦᑕᕐᓂᖏᓐᓄᑦ ᐃᖅᑲᓇᐃᔭᖅᑎᖏᓐᓂᒃ ᐃᑲᕐᕋᖏᓐᓄᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ.

ᐃᖅᑲᓇᐃᔭᓚᐅᑲᒃᐸᒃᑯᑦ ᑎᑎᕋᖅᑕᐅᔭᓐᓇᙱᑦᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓄᑦ (WSCC). ᐃᖅᑲᓇᐃᔭᕐᕕᒃ ᓇᓗᓇᐃᖅᑕᐅᓯᒪᔪᑦ ᑕᐃᒪᐃᓚᐅᑲᒃᑐᖅ ᐊᑕᖏᖅᑐᑦ ᑕᓪᓕᒪᓂ ᐊᑖᓂᑦ ᐊᑐᖅᑕᐅᕙᒃᑯᑦ ᐊᑐᖅᐸᒋᑦ (ᐊᑕᐅᓯᖅ ᐊᑖᓃᑦᑐᖅ ᐊᑐᖅᑕᐅᙱᒃᑯᓂ, ᐃᖅᑲᓇᐃᔭᕐᕕᒃ ᑎᑎᕋᖅᑕᐅᔭᕆᐊᓕᒃ):

• ᓇᖕᒥᓂᕆᔭᐅᑉ ᐱᓕᕆᕝᕕᓪᓗᐊᑕᖓᓂ ᐃᖕᓄᒧᑦ ᐅᕝᕙᓘᓐᓃᑦ ᑎᒥᐅᔪᒧᑦ ᓯᓚᑖᓃᒃᑯᓂ ᓄᓇᑦᓯᐊᕐᒥ (NT) ᐅᕝᕙᓘᓐᓃᑦ ᓄᓇᕗᒻᒥ (NU);
• ᐃᓄᒃ ᐅᕝᕙᓘᓐᓃᑦ ᑎᒥᐅᔪᒧᑦ ᐃᖅᑲᓇᐃᔭᖅᑎᑦᑎᕙᙱᒃᑯᓂ ᐃᓄᖕᓂ ᓄᓇᖃᖅᑎᐅᔪᓄᑦ ᓄᓇᑦᓯᐊᕐᒥ ᐅᕝᕙᓘᓐᓃᑦ ᓄᓇᕗᒻᒥ;
• ᐃᓄᒃ ᐅᕝᕙᓘᓐᓃᑦ ᑎᒥᐅᔪᒧᑦ ᐃᖅᑲᓇᐃᔭᖅᑎᑦᑎᑐᐃᓐᓇᓲᖑᒍᓂ ᐃᓄᖕᓂ ᐃᓂᒋᒐᔪᒃᑕᖓᓂ ᓯᓚᑖᓂ ᓄᓇᑦᓯᐊᕐᒥ ᐅᕝᕙᓘᓐᓃᑦ ᓄᓇᕗᒻᒥ;
• ᐃᓄᒃ ᐅᕝᕙᓘᓐᓃᑦ ᑎᒥᐅᔪᒧᑦ ᐱᓕᕆᕙᒃᑯᓂ ᓇᖕᒥᓂᕆᔭᒥᓂ ᓄᓇᑦᓯᐊᕐᒥ ᐅᕝᕙᓘᓐᓃᑦ ᓄᓇᕗᒻᒥ ᑲᑎᓪᓗᒍ 10−ᓂ ᐅᓄᙱᓐᓂᖅᓴ ᐅᔪᓂᒡᓘᓐᓃᑦ ᐅᓪᓗᓄᑦ ᐊᕐᕌᒍᒥ;
• ᐃᓄᒃ ᐅᕝᕙᓘᓐᓃᑦ ᑎᒥᐅᔪᒧᑦ ᐃᖅᑲᓇᐃᔭᖅᑎᓄᑦ ᐊᑭᓕᖅᑕᐅᔾᔪᑎᖃᕈᑎᒃ ᐅᕝᕙᓘᓐᓃᑦ ᐊᓯᖏᓐᓂ ᐊᔾᔨᐸᓗᖏᓐᓂ ᐊᑭᓖᔾᔪᑕᐅᔪᓂ ᒪᓕᒐᖏᑎᒍᑦ ᐊᓯᐊᓂ ᐱᔪᓐᓇᕐᓂᖃᕐᓂᖅ ᒪᓕᒐᖅᑎᒍᑦ ᐅᖓᕙᓲᖑᔪᓂ ᖃᓄᐃᓐᓂᐅᔪᓄᑦ ᐱᓕᕆᐊᖑᔪᓄᑦ ᓄᓇᑦᓯᐊᕐᒥ ᐅᕝᕙᓘᓐᓃᑦ ᓄᓇᕗᒻᒥ.

ᖃᐅᔨᓴᖅᑕᐅᑎᑕᑦ ᐃᑲᔫᓯᐊᒧᑦ ᐊᑭᓕᖅᑕᐅᖃᑦᑕᖅᐳᑦ ᐋᓐᓂᖅᑐᒧᑦ ᐃᖅᑲᓇᐃᔭᖅᑎᒧᑦ ᕿᑐᕐᖓᖏᓪᓗ; ᐊᑭᓕᖅᑕᐅᓗᑎᑦ ᐃᑦᑑᔾᔪᓯᐊᑦ, ᐋᓐᓂᐊᖃᕐᓇᖏᑦᑐᓕᕆᔪᑦ ᐊᒻᒪ ᐱᓕᒻᒪᒃᓴᕐᓂᒃᑯᑦ; ᐊᒻᒪ ᐊᐅᓚᔾᔪᑎᓄᑦ ᐊᑭᓕᐅᑎᑦ.  

ᐊᕕᒃᑐᖅᓯᒪᔪᑦ ᓇᓗᓇᐃᒃᑯᑕᑦ ᐊᑭᖓᑦ ᐃᓕᖃᑦᑕᖅᑕᕗᑦ ᖃᐅᔨᓴᖅᑕᐅᑕᒫᖅ $100−ᒥᑦ ᐊᑭᓖᔾᔪᑎᑦ. 

ᐊᑎᓕᐅᕋᓱᒃᑎᓪᓗᑎᑦ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ ᖃᐅᔨᓴᖅᑕᕐᓂᒃ ᒪᓕᖃᑦᑕᖅᐳᑦ ᐊᕕᒃᑐᖅᓯᒪᔪᑦ ᓇᓗᓇᐃᒃᑯᑕᑦ ᐊᑭᖏᑦ ᐊᒻᒪ ᐊᑭᓕᐅᑎᓪᓗᐊᑦ. ᐱᓯᒪᔭᕆᐊᖃᖅᐳᑎᑦ ᐱᔭᕇᖅᓯᒪᔪᒥᒃ ᐊᒻᒪ ᑕᒻᒪᖏᑦᑐᓂᒃ ᑮᓇᐅᔭᒃᕕᖕᓂᑦ ᑕᒪᒃᑭᑦ ᐃᖅᑲᓇᐃᔮᒧᑦ ᑮᓇᐅᔭᒃᓴᖅᑕᑎᑦ ᐊᒻᒪ ᑮᓇᐅᔭᓕᐅᖅᑎᑦ. ᐱᓯᒪᔭᕆᐊᖃᖅᑕᑎᑦ ᑎᑎᖃᓕᒫᑦ ᐊᑭᓕᐅᑕᔪᕕᓃᑦ ᐃᖅᑲᓇᐃᔭᓚᐅᑲᒃᑐᒧᑦ, ᐊᕕᒃᑐᖅᓯᒪᔪᑦ ᐃᖅᑲᓇᐃᔭᓚᐅᑲᒃᑐᑦ ᐊᒻᒪ ᓇᖕᒥᓂᖅ ᐃᖅᑲᓇᐃᔭᖅᑐᑦ ᐊᐅᓚᑦᑎᔨᐊᓄᑦ. 

ᖃᐅᔨᓴᕐᓂᖅ ᐊᑭᖏᑦ ᐃᓱᒪᒋᔭᐅᑎᓪᓗᒋᑦ, ᐊᐅᓚᑦᑎᔨᑦ ᑲᑎᒪᔨᖏᑦ ᐅᖃᖃᑎᖃᑦᑕᖅᐳᑦ ᐃᒥᓄᖅᓱᖅᑐᑦ ᓇᓪᓕᐅᒃᑯᒫᓕᕆᔨᓂᒃ ᐊᕐᕌᒍᑕᒪᖅ. ᐋᖅᑭᒃᓯᒪᖃᑦᑕᖅᐳᑦ ᐊᑭᖏᑦ ᐃᓱᒪᓕᒋᔭᐅᓪᓗᑎᑦ ᐅᓪᓗᒥᒧᑦ ᓯᕗᓂᒃᓴᒧᓪᓗ ᐊᑭᖏᑦ ᑐᒃᓯᕋᖅᑕᐅᔪᑦ, ᐊᑭᖏᓪᓗ ᐊᐅᓚᑕᐅᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓄᓪᓗ. ᐊᑭᖏᑦ ᐋᖅᑭᒃᑕᐅᖃᑦᑕᖅᐳᑦ ᓯᕗᒻᒧᐊᒃᓴᐃᖁᓗᒋᑦ ᓈᒻᒪᒃᑐᒥᑦ ᑲᒪᒋᔭᖃᕈᓐᓇᕐᓗᑎᒡᓗ ᐊᒻᒪ ᐅᓪᓗᒥᓕᖅᑐᖅ ᐃᖅᑲᓇᐃᔭᖅᑎᑦ ᐊᑭᓕᖅᑕᐅᔪᓐᓇᖃᑦᑕᕋᔭᕐᒪᑕ ᑲᑎᓕᒫᕐᓗᒋᑦ ᑐᒃᓯᕋᖅᑕᐅᔪᑦ, ᓯᕗᓂᒃᓴᒧᑦ ᖃᓄᐃᖏᑦᑎᐊᖁᓗᒋᑦ ᐃᑲᔫᑎᑦ ᐋᓐᓂᖅᑐᓄᑦ ᐃᖅᑲᓇᐃᔭᖅᑎᓄᑦ. 

ᐅᓪᓗᓂ 10−ᓂᑦ ᒪᑐᑎᓪᓗᒍ ᓇᖕᒥᓂᖁᑎᑦ ᓇᓗᓇᐃᖅᓯᔭᕆᐊᖃᖅᐳᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ ᑎᑎᖅᑲᑎᒍᑦ ᐊᑭᓕᐅᑎᒋᖃᑦᑕᖅᑕᑎᑦ. 

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ ᓈᓴᖅᑕᐅᓯᐅᖑᕗᑦ ᐊᑭᓖᓯᒪᓂᕆᔭᕐᓂᒃ. 

ᐄ, ᐊᕐᕌᒍᔪᖅ ᖃᖓᑐᐃᓐᓇᖅ ᐊᑭᓖᔾᔪᑎᑦ ᑕᑯᓇᒍᓐᓇᖅᑕᑦ ᑎᑎᖃᑦ ᑕᐃᑲᓂ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ. 

ᐱᖃᓯᐅᑎᓗᒍ ᑮᓇᐅᔭᒃᑯᕕᕕᑦ ᐊᑎᐊ, ᑐᕌᕈᑕ, ᐃᖅᑲᓇᐃᔭᖅᑎᕕᑦ ᓈᓴᐅᑕ ᐊᒻᒪ ᓇᐃᓈᖅᓯᒪᔪᒥᑦ ᓇᓗᓇᐃᖅᓯᒪᓗᒍ ᖃᓄᐃᒻᒪᑦ ᐊᑭᓖᔾᔪᑎᑦ ᑕᑯᓇᒍᓐᒪᖕᒪᖔᖅᐱᐅᒃ. 

ᑳᓐᑐᓛᒋᔭᐅᔪᒥᒃ ᐱᔭᕇᖅᓯᔪᖃᖅᐸᑦ, ᓴᒃᑯᑦᑎᓚᐅᙱᓐᓂᕐᓂᒡᓗ ᑭᖑᓪᓕᖅᐹᖅᓯᐅᑎᒥᒃ ᐊᑭᓕᐅᑎᒃᓴᒥᒃ ᑳᓐᑐᓛᖃᖅᑎᑕᕐᓄᑦ, ᐊᑦᑕᑕᕐᓗᑎᑦ ᐅᕗᖓ WSCC Connect ᐱᔪᒪᕝᕕᒋᓗᒋᑦ ᑭᖑᓪᓕᖅᐹᖅᓯᐅᑎᒥᒃ ᓴᒃᑯᑦᑎᓂᕐᒧᑦ ᑎᑎᖅᑲᒥᒃ. ᑖᓐᓇ ᑎᑎᖅᑲᖅ ᐃᓕᖕᓂᒃ ᓴᒃᑯᑦᑎᕗᖅ ᐸᓯᔭᐅᓕᕈᓐᓇᙱᖦᓗᑎᑦ ᐃᓕᖕᓂᒡᓗ ᐱᕕᖃᖅᑎᑦᑎᓪᓗᓂ ᑭᖑᓪᓕᖅᐹᖅᓯᐅᑎᒥᒃ ᐊᑭᓖᔪᓐᓇᕐᓂᕐᒥᒃ ᑖᔅᓱᒧᖓ ᑳᓐᑐᓛᒋᔭᐅᔪᒧᑦ.

ᑳᓐᑐᓛᒋᔭᐅᔪᖅ ᐱᒋᐊᓕᓵᖅᑎᓪᓗᒍ ᐱᔪᒪᔪᓐᓇᖅᐳᑎᑦ ᑎᑎᖅᑲᒥᒃ ᐱᓕᕆᖃᑦᑕᑦᑎᐊᖅᓯᒪᓂᕐᒧᑦ. ᑖᓐᓇ ᑎᑎᖅᑲᖅ ᐅᖃᐅᔾᔨᕙᒃᐳᖅ ᑖᓐᓇ ᐃᒻᑲᓇᐃᔭᖅᑎᑕᐅᓕᖅᑐᖅ ᑲᒻᐸᓂᒋᔭᐅᔪᖅ ᐱᓕᕆᐊᖃᖃᑦᑕᑦᑎᐊᖅᓯᒪᓂᖓᓂᒃ. ᐱᔪᒪᒍᕕᑦ ᑎᑎᖅᑲᒥᒃ ᐱᓕᕆᖃᑦᑕᑦᑎᐊᖅᓯᒪᓂᕐᒧᑦ ᐅᕗᖓ ᐊᑦᑕᑕᕐᓗᑎᑦ WSCC Connect ᐅᓇᓗ ᐅᐸᒡᓗᒍ “ᐱᓂᖅ ᓴᒃᑯᑦᑎᓂᕐᒥᑦ” ᓇᕿᑦᑕᕈᑖᓂᒃ.

ᐄ - WSCC Connect−ᑯᑎᒍᑦ ᐊᑦᑕᑕᕈᓐᓇᖅᑐᑎᑦ ᐱᔪᒪᓗᑎᓪᓗ ᐊᑭᑦᑐᖃᐅᑎᖃᑕᐅᓂᕐᒧᑦ ᓴᒃᑯᑕᐅᓂᕐᒧᑦ ᑎᑎᖅᑲᒥᒃ. ᑖᓐᓇ ᑎᑎᖅᑲᖅ ᑎᑎᕋᖅᓯᒪᓕᖅᑎᑲᐅᑎᒋᔪᓐᓇᖅᐸᐃᑦ ᖃᕆᑕᐅᔭᒃᑯᓪᓘᓐᓃᑦ ᓇᒃᓯᐅᑎᓯᑲᐅᑎᒋᓗᒍ.

WSCC−ᑯᒃ ᐊᖏᖅᓯᕙᒃᐳᑦ ᐊᑭᓕᐅᑕᐅᔪᓂᒃ ᐅᑯᑎᒎᓇᖅ:

• Visa−ᑯᑦ, MasterCard−ᑯᑦ Discovery−ᑯᓪᓘᓐᓃᑦ ᐊᑭᓕᐅᑕᐅᔪᓄᑦ ᐅᐸᒃᓯᓗᓂ ᐆᒥᖓ  WSCC Connect 
• ᖃᕆᑕᐅᔭᒃᑯ ᐃᑭᐊᖅᑭᕕᒃᑯᑦ ᐊᑭᓕᐅᑕᐅᔪᓂᒃ ᑮᓇᐅᔭᒃᑯᕕᖃᕐᕕᒃᑯᑦ
• ᑮᓇᐅᔭᒃᓴᒃᑯᑦ/ᑎᑎᖅᑲᒃᑯᕕᖕᒥᑦ ᐱᔭᐅᕙᒃᑐᒃᑯᑦ ᑮᓇᐅᔭᒃᓴᒃᑯᑦ
• ᑮᓇᐅᔭᒃᑯᕕᖕᒥᑦ ᐱᔭᐅᓯᒪᔪᒃᑯᑦ ᑮᓇᐅᔭᖃᕐᓂᕐᒧᑦ 
• ᖃᕆᑕᐅᔭᒃᑯᑦ ᑮᓇᐅᔭᓂᒃ ᓇᒃᓯᐅᔾᔨᔪᓐᓇᖅᑐᓯ ᐅᕗᖓ payments@wscc.nt.ca

ᑭᖑᕙᖅᖢᑎᒃ ᐊᑭᓕᐅᑕᐅᕙᒃᑐᑦ ᐱᑎᑕᐅᕙᒃᐳᑦ ᒪᓕᒐᑎᒎᖓᔪᓂᒃ ᐊᑭᓖᒃᑲᓐᓂᖅᑎᑕᐅᕙᖕᓂᖏᓐᓂᒃ 2%−ᖑᓪᓗᓂ ᑕᖅᑭᓕᒫᒧᑦ .

ᐄ. ᐅᑯᑭᑎᒎᓇᖅ, WSCC Connect ᐱᔪᒪᓗᑎᑦ ᑎᑎᖅᑲᒥᒃ ᐱᓕᕆᖃᑦᑕᑦᑎᐊᖅᓯᒪᓂᕐᒥᒃ ᐊᕐᕌᒍ ᐱᒋᐊᓕᓵᖅᑎᓪᓗᒍ ᐃᓚᖃᕐᓗᓂ ᖃᔅᓯᑐᕐᓂᐊᕋᓱᒋᔭᐅᓂᖓ ᑳᓐᑐᓛᒋᔭᐅᓂᐊᖅᑑᑉ. ᐊᕐᕌᒍᒋᔭᐅᔪᖅ ᐅᓱᓕᑉᐸᑦ, WSCC Connect−ᑯᑎᒍᑦ ᐱᔪᒪᔪᖃᕐᓗᓂ ᑭᖑᓪᓕᖅᐹᓯᐅᑎᒥᒃ ᓴᒃᑯᑕᐅᓂᕐᒧᑦ ᑎᑎᖅᑲᒥᒃ ᑳᓐᑐᓈᒋᔭᐅᔫᑉ ᐊᑭᓪᓚᑦᑖᖓᓂᒃ ᐃᓚᑲᕐᓗᓂ.

ᑕᒪᓐᓇ ᐱᖁᔭᐅᖕᒪᑦ. WSCC−ᑯᑦ ᐱᑎᑦᑎᕙᒃᐳᑦ ᑲᑐᔾᔨᓪᓗᓂ ᓵᑕᐅᓕᕈᓐᓇᖅᐸᖕᓂᕐᒥᒃ, ᑕᒪᓐᓇᓗ ᑕᐃᒪᓐᓇ ᐊᑐᖅᑕᐅᒐᔪᒃᐸᒃᖢᓂ ᓇᓪᓕᐅᒃᑯᒫᓕᕆᓂᕐᒧᑦ ᐱᓕᕆᔨᒋᔭᐅᕙᒃᑐᓂ. ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᑕᒪᕐᒥᑦᑎᐊᖅ ᐃᖅᑲᓇᐃᔭᕐᕕᐅᔪᓕᒫᑦ, ᑕᒪᐃᓐᓂᓕᒫᖅ ᐃᖅᑲᓇᐃᔭᕐᕕᒋᔭᐅᕙᒃᑐᓂ, ᐊᒥᖅᑳᕈᑎᖃᖅᐸᒃᐳᑦ ᑕᒪᑐᒥᖓ ᖁᐊᖅᓵᕐᓇᕈᓐᓇᖅᑐᒥᒃ. ᓇᓗᓇᐃᔭᕐᓂᖅ  ᐊᑭᓖᓂᕐᓗ ᖃᐅᔨᓴᖅᑕᐅᓯᒪᔪᓄᑦ WSCC−ᑯᓐᓄᑦ ᑲᒻᐸᓂᒋᔭᕐᓂᒃ ᓴᐳᔾᔨᓯᒪᕙᒃᐳᖅ ᐃᖅᑲᖅᑐᐃᕕᒃᑰᖅᑎᑕᐅᑐᐃᓐᓇᕆᐊᖃᕐᓂᕐᓂᒃ ᑮᓇᐅᔭᐃᖅᑎᑕᐅᓇᓱᒡᓗᓂ ᐃᓕᙵᒃᓯᒪᔪᓂᑦ ᐃᖅᑲᓇᐃᔭᖅᑎᒋᔭᐅᔪᓂᑦ. ᐃᖅᑲᓇᐃᔭᖅᑎᒥᑦ ᐃᓕᙵᒃᑐᖃᖅᐸᑦ ᐱᔪᖃᖅᐸᓪᓘᓐᓃᑦ ᐃᖅᑲᓇᐃᔭᕐᕕᒋᔭᐅᔪᒥ ᐋᓐᓂᐊᕐᓇᖅᑐᒥᒃ ᐃᖅᑲᓇᐃᔭᕐᓂᕐᓂᒥᓂ, WSCC−ᑯᑦ ᐱᑎᑦᑎᓕᖅᐸᒃᐳᑦ ᐃᖅᑲᓇᐃᔭᖅᑎᐅᑉ ᐃᓗᐊᖅᓴᖅᑕᐅᓂᕐᒧᑦ ᐊᑭᓕᖅᓱᖅᑕᐅᓂᕐᒧᓪᓗ ᐊᓯᐅᔨᓂᕐᒧᑦ ᐊᑭᓕᖅᓱᕆᐊᖃᖅᐸᒃᑐᓂᒃ.

ᐋᒃᑲ, ᑎᑎᕋᖅᑕᐅᖏᒃᑲᓗᐊᕐᓗᑎᒃ, ᑕᐃᒪᐃᑦᑐᓐᓇᖅᖢᑎᑦ ᓇᓗᓇᐃᒃᑯᑕᖃᕈᒪᒍᕕᑦ ᑎᑎᕋᖅᑕᐅᓯᒪᓂᕐᒧᑦ ᐊᑭᑦᑐᕋᐅᑎᓂᕐᒧᑦ ᐱᔪᑎᓄᑦ. ᐃᖅᑲᓇᐃᔭᕐᕕᐅᖏᑦᑐᑦ ᐊᐅᓚᑎᔩᑦ, ᐱᖃᓯᐅᑎᓪᓗᒋᑦ ᐃᓛᒃᑯᖅᑐᑦ ᐊᐅᓚᑎᔩᑦ, ᐊᒻᒪᓗ ᐊᑭᑦᑐᕋᐅᑎᕙᒃᑐᑦ ᑎᑎᕋᖅᑕᐅᔪᓐᓇᖅᑐᑦ WSCC-ᑯᑎᒍᑦ ᐊᒻᒪᓗ ᓇᐃᓴᐅᑎᑖᖅᑎᑕᐅᓗᑎᒃ ᐱᓇᔭᖅᑐᑦ ᐊᑭᓕᒃᓴᖃᐅᑎᖃᕐᕕᖕᒥᒃ ᓴᖅᑭᑦᑎᓚᐅᖏᓐᓂᕐᒥᖕᓂ ᐅᕝᕙᓘᓐᓃᑦ ᑲᔪᓯᑎᑦᑎᓚᐅᖏᓐᓂᕐᒥᖕᓂ ᐱᓕᕆᓂᕐᒧᑦ. 

ᑎᑎᕋᖅᑕᐅᓯᒪᖃᑕᐅᓂᐊᕐᓗᓂ ᐊᒻᒪᓗ WSCC-ᑯᓐᓂ ᓇᐃᓴᐅᑎᖃᓕᕐᓗᓂ, ᐃᖅᑲᓇᐃᔭᖅᑎᖃᙱᑦᑐᑦ ᐊᐅᓚᑎᔪᑦ ᐊᑭᓖᔭᕆᐊᓖᑦ $200.00-ᓂᒃ ᐊᕐᕌᒍᒧᑦ ᐊᒡᓚᒡᕕᓕᕆᓂᕐᒧᑦ ᐊᑭᒥᒃ. ᐃᖅᑲᓇᐃᔭᖅᑎᖃᙱᑦᑐᑦ ᐊᐅᓚᑎᔩᑦ ᑎᑎᕋᖅᑕᐅᑎᑦᑐᖅ ᐃᒻᒥᓂᒃ ᓯᕗᓪᓕᖅᐹᒧᑦ ᐊᑭᓖᔭᕆᐊᓕᑦ ᐃᓘᓐᓇᖏᓐᓂᒃ ᐊᑭᓕᕆᐊᓕᖕᓂᒃ ᓱᖁᑎᒋᓇᒋᑦ ᐅᓪᓗᑦ ᐊᒥᐊᒃᑯᑦ ᐊᕐᕌᒍᒥ. 

ᐊᑭᓖᒍᕕᑦ $200.00-ᓂᒃ ᐊᒡᓚᒡᕕᓕᕆᓂᕐᒧᑦ ᐊᑭᒥᒃ ᐃᒪᐃᑦᑐᓂᒃ ᐱᑎᑕᐅᓇᔭᖅᐳᑎᑦ: 

• ᓇᓗᓇᐃᒃᑯᑕᕐᒥᒃ ᒪᓕᒋᐊᖃᕐᓂᕐᒧᑦ (ᓄᓇᕘᒧᑐᐊᖅ)
• ᖃᐅᔨᒪᔭᐅᔪᑎᒥᒃ ᑎᑎᕋᖅᑕᐅᓯᒪᓂᕐᒧᑦ ᑎᑎᖅᑲᒥᒃ  ᑐᓐᓂᖅᑯᑕᐅᓇᔭᖅᑐᒥᒃ ᐊᑭᑦᑐᕋᐅᑎᓂᕐᒧᑦ ᑳᓐᑐᓛᒃᑯᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕘᒥ. 

ᑖᓐᓇ ᐊᑭᓕᕆᐊᓕᒃ ᐃᒪᐃᑎᑦᑎᖏᑦᑐᖅ ᐃᓕᖕᓄᑦ, ᓇᖕᒥᓂᖃᖅᑎᐅᑎᓪᓗᑎᑦ ᐅᕝᕙᓘᓐᓃᑦ ᑐᑭᒧᐊᒃᑎᐅᑎᓪᓗᑎᑦ, ᓇᓪᓕᐅᑯᒫᖑᖏᓛᖅ ᑖᑯᑎᒎᓇᖅ ᐃᖅᑲᓇᐃᔭᖅᑏᑦ ᐃᑲᔪᖅᑕᐅᔪᓯᐊᖏᓐᓄᑦ ᐱᖁᔭᖏᑦᑎᒍᑦ. ᓇᓪᓕᐅᒃᑯᒫᖅᑖᕈᒪᒍᕕᑦ ᓇᖕᒥᓂᖃᖅᑎᐅᓗᑎᑦ ᐅᕝᕙᓘᓐᓃᑦ ᑐᑭᒧᐊᒃᑎᐅᓗᑎᑦ, ᐱᓇᔪᖕᓂᐊᖅᐳᑎᑦ ᐊᑐᕐᓗᑎᑦ ᐆᒥᖓ ᓇᖕᒥᓂᕐᒧᑦ ᓇᓪᓖᕋᕐᓂᖅ ᓇᓪᓕᐅᑯᒫᓄᑦ ᑎᑎᕋᕐᕕᒃᓴᖅ.

ᒪᓕᑦᑎᐊᖏᒃᑯᓂ ᐃᖅᑲᓇᐃᔭᖅᑎᒋᓚᐅᑲᒃᑕᑦ, ᖃᐅᔨᓴᕈᑎᒋᔭᑦ ᐊᑭᓕᕆᐊᖃᖅᑕᑦ ᐃᖅᑲᓇᐃᔭᖅᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ  ᓇᓪᓕᐅᒃᑯᒫᓕᕆᔨᓪᓗ, ᐃᖅᑲᓇᐃᔭᖅᑐᖃᓚᑲᒍᑎᒋᔭᕐᓂᒃ.