ᕕᕝᕗᐊᕆ 4, 2015-ᖑᑎᓪᓗᒍ, ᐊᕕᒃᓯᒪᓇᐃᐅᔪᒧᑦ ᖃᐅᔨᓴᖅᑎ ᐆᓇᖅᑐᖃᐅᑎᓄᑦ/ᐃᑭᓴᕋᐃᑦᑐᓅᖅᑐᓄᑦ ᒐᕙᒪᒃᑯᑦ ᓄᓇᑦᓯᐊᕐᒧᑦ (GNWT) ᐊᐅᓚᑦᑎᓚᐅᕐᒪᑕ ᐊᕐᕌᒍᑕᒫᒃᑯᑦ ᖃᐅᔨᓴᕐᓂᕐᒥᒃ ᑕᒪᒃᑯᓂᖓ ᐳᓪᓚᖃᕈᓐᓇᖅᑐᓂᒃ ᐆᓇᖅᑐᖃᐅᑎᓄᑦ ᐅᔭᕋᖕᓂᐊᕐᕕᖕᒥ ᐱᓕᕆᕕᖕᒥ. ᖃᐅᔨᓴᖅᑎ ᓴᖅᑭᑦᑎᓚᐅᕐᒪᑦ ᑕᑯᒃᓴᐅᔪᓂᒃ ᐅᖁᓕᖅᑐᓂᒃ ᓇᓗᓇᐃᒃᑯᑕᐅᔪᓪᓗ ᐸᐃᐹᑦ ᓴᕕᕋᔭᐅᓪᓗ ᐊᑯᓐᓂᖓᓃᑐᓂᒃ ᐊᒻᒪᓗ ᐆᓇᖅᑐᖃᐅᑎᑦ ᐃᑭᐊᖏᓐᓂ ᖃᔅᓯᒐᓴᖕᓂ ᐊᓂᕐᓂᖃᕐᓇᖅᑐᒥᒃ ᐃᓯᖅᑎᑦᑎᕙᓪᓕᐊᔪᓂ.
ᖃᐅᔨᓴᒃᑲᓐᓂᕋᒥᒃ ᓇᓗᓇᐃᖅᓯᓚᐅᖅᑐᑦ ᑕᐃᓐᓇ ᐳᓪᓚᖃᕈᓐᓇᖅᑐᓂᒃ ᐆᓇᖅᑐᖃᐅᑎᐅᑉ ᐊᑯᓐᓂᖓ ᓵᓐᓂᖅᓴᓪᓛᓗᓐᓂᕐᖢᓂ ᐃᓚᖓᓂᑦ ᐱᖓᓲᔪᓂ ᐊᓂᕐᓂᖃᕐᓇᖅᑐᒥᒃ ᐃᓯᖅᑎᑦᑎᕙᓪᓕᐊᓂᐅᔪᓂ. ᒥᒃᖠᑎᕆᓇᓱᒃᖢᑎᒃ ᐊᑦᑕᕐᓇᕐᓂᐅᔪᓂᒃ ᐊᖕᒪᑐᐃᓐᓇᕆᐊᖃᕐᓂᖓᓄᑦ, ᖃᐅᔨᓴᖅᑎ ᑐᒃᓯᕋᓚᐅᕐᒪᑦ ᑕᐃᓐᓇ ᐊᓂᕐᓂᖃᕐᓇᖅᑐᒥ ᐊᓂᐊᑎᑦᑎᕙᓪᓕᐊᔪᖅ ᒪᑐᔭᐅᖁᓪᓗᒍ ᓄᖅᑲᖅᑎᑕᐅᓗᓂ. 30 ᒦᑕᒥᒃ ᐅᖓᓯᖕᓂᖃᖅᑎᒋᔪᒥᒃ ᐃᖅᑲᓇᐃᔭᖅᑏᑦ ᐅᐸᒋᐊᖃᖅᑎᑕᐅᓚᐅᖏᑦᑐᑦ ᖃᓂᒋᔮᓄᑦ ᓱᕋᒃᓯᒪᔪᓕᕆᑎᓗᒋᑦ ᐋᖅᑭᒃᓯᓇᓱᒃᖢᑎᒃ.