ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᔭᓗᓇᐃᒥ ᐊᒻᒪ ᐃᓄᕕᒃᒥᑦ ᑎᑎᕋᕐᕕᖏᑦ ᒪᑐᐃᖓᓕᕐᑐᑦ ᑭᒃᑯᓕᒫᓄᑦ. ᑎᑎᕋᕐᕕᒃᐳᑦ ᐃᖃᓗᖕᓂ ᒫᓐᓇ ᒪᑐᓯᒪᖕᒪᑦ ᑭᒃᑯᓕᒫᓄᑦ ᐊᒻᒪᓗ ᐃᖅᑲᓇᐃᔭᖅᑎᕗᑦ ᐃᖅᑲᓇᐃᔭᖅᖢᑎᒃ ᐊᖏᕐᕋᖏᓐᓂᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᑮᓇᐅᔭᑎᒍᑦ ᐱᓇᔪᒃᑕᐅᔪᓐᓇᖅᑐᑦ ᐃᖅᑲᓇᐃᔭᖅᑎᓄᑦ

ᑮᓇᐅᔭᑎᒍᑦ ᐱᓇᔪᒃᑕᐅᔪᓐᓇᖅᑐᑦ ᐃᖅᑲᓇᐃᔭᖅᑎᓄᑦ

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᑮᓇᐅᔭᓂᒃ ᐱᓇᔪᒃᑐᓂᒃ ᐱᔨᑦᑎᕋᓲᖑᕗᑦ ᒪᓂᒻᒪᐃᓪᓗᑎᒃ ᑐᑭᓯᒋᐊᒐᒃᓴᓂᒃ ᐃᑲᔫᑎᒃᓴᐅᓪᓗᑎᒃ ᐃᖅᑲᓇᐃᔭᖅᑎᓄᑦ, ᖃᐅᔨᓇᓱᒍᓐᓇᖅᑎᖦᖢᒋᑦ ᑮᓇᐅᔭᑎᒍᑦ ᐱᓇᔪᒃᑕᐅᔪᓐᓇᖅᑐᓂᒃ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᖃᕌᖓᑦ.

ᐅᕙᓂ ᑐᑭᓯᒋᐊᒐᒃᓴᓂᒃ ᑕᑯᓂᐊᖅᐳᑎᑦ ᐋᓐᓂᖅᑐᖃᖅᑎᓪᓗᒍ ᐅᓂᒃᑳᓕᐅᕐᓂᐊᕐᓂᕐᒧᑦ, ᑮᓇᐅᔭᑎᒍᑦ ᐱᓇᔪᒃᑕᐅᔪᓐᓇᖅᑐᓂᒃ, ᐱᔪᓐᓇᐅᑎᖏᓐᓂᒃ ᐱᔭᒃᓴᖏᓐᓂᒡᓗ, ᐊᑐᖅᑕᐅᖔᕈᓐᓇᖅᑐᓂᒃ ᕿᒥᕐᕈᓂᐊᕐᓗᓂ ᐊᒻᒪ ᐊᔪᐃᓐᓇᕆᐊᒃᑲᓐᓂᕈᑎᑦ ᐱᓇᔪᒃᑕᒥᓄᑦ ᐃᓱᒪᓕᐅᕆᔭᐅᔪᒥᒃ. ᑮᓇᐅᔭᑎᒍᑦ ᐱᓇᔪᒃᑕᐅᔪᓐᓇᖅᑐᓄᑦ ᑎᑎᕋᕆᐊᓕᖕᓂᒃ, ᐊᔪᕆᖅᓲᔾᔨᔾᔪᑎᓂᒃ ᐊᒻᒪ ᐃᑲᔫᑎᓂᒃ ᑕᑯᓂᐊᕆᕗᑎᑦ.

 

ᐱᓇᔫᑎᓕᕆᑎᓪᓗᑎᑦ ᐃᑲᔪᖅᑕᐅᔭᕆᐊᖃᕈᕕᑦ, ᐅᑯᓄᖓ ᖃᐅᔨᒋᐊᕈᓐᓇᖅᐳᑎᑦ:

(ᐃᕐᙲᓐᓈᖅᑕᐅᒃᑯᑦ) ᓄᓇᑦᓯᐊᒥ ᑮᓇᐅᔭᑎᒍᑦ ᐱᓇᔪᒃᑐᓄᑦ ᐱᔨᑦᑎᕋᖅᑎᑦ
(ᐊᑭᖃᙱᑦᑐᖅ) 1-800-661-0792

(ᐃᕐᙲᓐᓈᖅᑕᐅᒃᑯᑦ) ᓄᓇᕗᒻᒥ ᑮᓇᐅᔭᑎᒍᑦ ᐱᓇᔪᒃᑐᓄᑦ ᐱᔨᑦᑎᕋᖅᑎᑦ
(ᐊᑭᖃᙱᑦᑐᖅ)
1-877-404-4407

ᐃᖅᑲᓇᐃᔭᖅᑎᓄᑦ ᖃᐅᔨᒪᔨᒋᔭᐅᔪᑦ ᑎᑎᕋᕐᕕᖓ: (ᓄᓇᑦᓯᐊᒥ) 867-445-7303 ᐅᕝᕙᓘᓐᓃᑦ (ᓄᓇᕗᒻᒥ) 867-979-5303