ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᕿᒥᕐᕈᔭᐅᔪᑦ

ᕿᒥᕐᕈᔭᐅᔪᑦ

ᑐᒃᓯᕋᕐᓂᖅ ᕿᒥᕐᕈᖁᔨᓂᕐᒧᑦ
  • filing cabinet
    ᐱᓕᕆᒋᐊᕈᑖ 1

    ᐱᒋᐊᓚᐅᙱᓐᓂᕐᓂ:

    ᕿᒥᕐᕈᔩᑦ ᑲᑎᒪᔨᕋᓛᖏᑦ ᐱᓕᕆᔨᓂᒃ ᐃᖅᑲᓇᐃᔭᖅᑎᓂᒡᓗ ᑎᓕᐅᕆᕗᑦ ᑐᒃᓯᕋᖁᔨᓪᓗᑎᒃ ᑎᑎᖅᑲᖏᓐᓂᒃ ᓴᖅᑭᑕᐅᖁᔨᓂᕐᒥᒃ  ᕿᒥᕐᕈᖁᔨᔾᔪᑎᒥᒃ ᑐᓂᓯᓚᐅᙱᓐᓂᖓᓂᒃ. ᐱᓕᕆᖃᑕᐅᔪᓕᒫᑦ ᐊᑐᖅᑐᓂᒃ ᖃᐅᔨᒪᔾᔪᑎᓂᒃ ᐱᔪᓐᓇᑦᑎᐊᕐᓂᐊᕐᒪᑕ ᐅᖃᐅᓯᐅᔪᑦ ᐱᔾᔪᑎᒋᓪᓗᒋᑦ. 

    ᓴᓇᔨᐅᒍᕕᑦ ᐃᖅᑲᓇᐃᔭᖅᑎᖁᑎᓕᕆᔨᐅᒍᕕᓪᓘᓐᓃᑦ ᓈᒻᒪᒃᓴᙱᓪᓗᑎᑦ ᐊᑭᓕᖅᑕᐅᔪᒪᔾᔪᑎᒥᒃ ᐃᓱᒪᓕᐊᖑᔪᒥ: ᐅᖃᖃᑎᖃᕐᓗᑎᑦ ᐃᑭᓕᖅᑕᐅᔪᒪᔾᔪᑎᓄᑦ ᐱᔪᓐᓇᖅᑎᑦᑎᔨᐅᔪᒧᑦ ᐊᖓᔪᖅᑳᖓᓄᑦ, ᐃᖅᑲᖅᑐᐃᔨᙱᒍᑦ ᐋᖅᑭᒃᓱᐃᔨᐅᔪᒧᑦ, ᐱᓕᕆᐊᖑᔪᒧᑦ ᐊᐅᓚᑦᑎᔨᒧᑦ, ᐅᕝᕙᓘᓐᓃᑦ ᐊᐅᓚᑦᑎᔨᐅᔪᒧᑦ ᐃᑭᓕᖅᑕᐅᔪᒪᔾᔪᑎᓄᑦ ᐱᔨᑦᑎᕋᕐᓂᐅᔪᒧᑦ ᑐᒃᓯᕋᕐᓂᕐᒧᑦ ᓴᖅᑭᑎᑕᐅᓂᖓᓂ ᐃᑭᓕᖅᑕᐅᔪᒪᔾᔪᑎᓄᑦ ᑎᑎᖅᑲᖁᑎᖓᓐᓂ. ᑐᑭᓯᒋᐊᒃᑲᓐᓂᕈᒪᒍᕕᑦ ᑮᓇᐅᔭᖅᑖᕈᒪᔾᔪᑎᕕᑦ ᑎᑎᖅᑲᖏᓐᓂᒃ ᓴᖅᑭᑕᐅᖁᔨᓂᕐᒥᒃ ᐅᕗᖓ ᑕᑯᒋᐊᕐᓗᑎᑦ  ᐊᑐᐊᒐᖅ 07.01, ᑮᓇᐅᔭᖅᑖᕈᒪᔾᔪᑎᑦ ᑎᑎᖅᑲᖓᓂᒃ ᑐᑭᓯᒋᐊᕈᑎᓂᒃ ᐱᔪᓐᓇᕐᓂᖅ

    ᐃᖅᑲᓇᐃᔭᕐᕕᒋᔭᐅᓗᑎᑦ ᖃᐅᔨᓴᕈᑎᓄᑦ ᐃᓱᒪᓕᐅᕈᑕᐅᔪᒥᒃ ᐊᖏᖃᑎᖃᙱᒃᑯᕕᑦ: ᖃᐅᔨᓴᖅᑕᐅᔪᑦ ᑭᒡᒐᖅᑐᖅᑎᖓᓄᑦ, ᐅᕝᕙᓘᓐᓃᑦ ᐃᖅᑲᓇᐃᔭᕐᕕᐅᑉ ᐱᔨᑦᑎᕋᖅᑎᖏᑕ ᐊᐅᓚᑦᑎᔨᖓᓄᑦ  ᐅᖃᖃᑎᖃᕆᑦ ᓴᖅᑭᑕᐅᖁᔨᓗᑎᑦ ᐃᖅᑲᓇᐃᔭᕐᕕᐅᑉ ᑎᑎᖅᑲᖏᓐᓂᒃ. ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᕕᐅᑉ ᑎᑎᖅᑲᖏᓐᓂᒃ ᓴᖅᑭᑕᐅᖁᔨᓂᕐᒥᒃ ᐅᕗᖓ ᑕᑯᒋᐊᕐᓗᑎᑦ ᐊᑐᐊᒐᖅ 07.02, ᐃᖅᑲᓇᐃᔭᕐᕕᐅᑉ ᑎᑎᖅᑲᖓᓂᒃ ᑐᑭᓯᒋᐊᕈᑎᓂᒃ ᐱᔪᓐᓇᕐᓂᖅ.

     

  • ᐱᓕᕆᒋᐊᕈᑖ 2

    ᐱᓕᕆᒋᐊᕈᑖ 2: ᐱᔭᕇᖅᓯᓗᑎᑦ ᑐᒃᓯᕋᕐᓂᐅᔪᒥ ᕿᒥᕐᕈᔭᐅᓂᖓᓂ ᑕᑕᑎᕆᐊᓕᖕᒥ ᐅᕝᕙᓘᓐᓃᑦ ᑎᑎᕋᕐᓗᑎᑦ ᑎᑎᖅᑲᒥᒃ ᑎᑎᕋᖅᑎᐅᔪᒧᑦ ᖃᐅᔨᓴᕐᓂᕐᒧᑦ ᑲᑎᒪᔨᕋᓛᓄᑦ. ᑎᑎᖅᑲᐃᑦ ᐅᑯᓂᖓ ᐃᓚᖃᕆᐊᖃᖅᐳᖅ:

     

    • ᐃᑭᓕᖅᑕᐅᔪᒪᔾᔪᑎᓄᑦ ᓈᓴᐅᑎᖓᓐᓂ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᐅᓂᕐᓄᑦ ᓈᓴᐅᑎᖓᓐᓂ;
    • ᐅᓪᓗᖓᓂ ᐃᓱᒪᓕᐅᕈᑕᐅᔪᒥ ᑎᑎᖅᑲᖓᓂ ᕿᒥᕐᕈᓚᐅᖅᑕᕐᓂ;
    • ᐱᔨᔪᑕᐅᔪᖅ(ᑦ) ᐊᖏᖃᑎᒋᙱᑕᕐᓂ ᐃᓱᒪᓕᐊᖑᓂᐅᔪᒧᑦ;
    • ᐃᓱᒪᒋᔭᕐᓂ ᐃᓱᒪᓕᐅᕈᑕᐅᓪᓗᐊᕐᓂᖓᓂ; ᐊᒻᒪᓗ,
    • ᖃᓄᐃᑦᑐᒥᒃ ᑐᓵᓂᐅᔪᒥ ᐱᔪᒪᔭᕐᓂᑦ, ᐅᖃᓪᓚᖕᓂᒃᑯᑦ ᐅᕝᕙᓘᓐᓃᑦ ᑎᑎᕋᖅᑕᐅᓯᒪᓂᖓᑎᒍᑦ.

     

    ᓇᓗᓇᕐᓗᒍ: ᑐᒃᓯᕋᕆᐊᖃᖅᐳᑎᑦ ᐅᓪᓗᓂ ᐱᖓᓱᓂᒃ ᐃᓱᒪᓕᐅᕆᔭᕐᒥᒃ.

                              

  • ᐱᓕᕆᒋᐊᕈᑖ 3

    ᓇᒃᓯᐅᑎᓗᒍ ᑐᒃᓯᕋᖅᑕᓐᓂᒃ ᕿᒥᕐᕈᖁᔨᑎᓪᓗᑎᑦ 

    ᐊᐅᓪᓚᖅᑎᓪᓗᒍ: 

    Review Committee Registrar
    Workers' Safety & Compensation Commission
    Box 8888
    Yellowknife, NT  X1A 2R3

    ᓱᒃᑲᔪᒃᑯᑦ ᐊᑭᖃᖏᑦᑐᖅ: 1 (866) 277-3677

    ᐃᕐᖏᓇᖅᓯᐅᑕ:  ᕿᒥᕐᕈᔩᑦ ᑲᑎᒪᔨᕋᓛᖏᑦ​

ᓂᕆᐅᒋᔭᕆᐊᓖᑦ

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ ᐃᒪᐃᓕᐅᕐᓂᐊᖅᐳᑦ:

  • ᑎᑎᕋᕐᕕᐅᓗᑎᑦ ᓇᓗᓇᐃᖅᓯᔾᔪᑎᒥᒃ;
  • ᓇᓗᓇᐃᖅᓯᓗᑎᒃ ᓇᓕᐊᖕᓂᒃ ᖃᐅᔨᓇᓱᒃᑕᖃᖅᑎᑕᐅᓂᐊᕐᒪᖔᑦ;
  • ᓇᓗᓇᐃᖅᓯᓗᑎᒃ ᐱᔾᔪᑎᒋᔭᐅᔪᒥᒃ ᕿᒥᕐᕈᓂᐊᖅᑎᓪᓗᒋᑦ; ᐊᒻᒪᓗ
  • ᖃᖓ ᖃᐅᓇᓱᒃᑕᐅᓂᐊᕐᒪᖔᖅᐱᑦ ᐋᖅᑭᒃᓯᓗᑎᒃ.

ᖃᐅᔨᒪᖁᔭᐅᕗᑎᑦ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ ᐋᖅᑭᒃᓱᐃᖃᑦᑕᙱᑉᐳᑦ ᐊᑭᓖᕙᙱᖦᖢᑎᒡᓗ ᖃᖓᑦᑕᐅᑎᒃᓴᓂᒃ, ᑐᔪᕐᒥᔾᔪᑎᒃᓴᓂᒃ, ᐅᕝᕙᓘᓐᓃᑦ ᐱᕕᒃᓴᖓᓂᒃ ᐊᓯᐅᔨᓂᕐᒥᒃ ᐃᓚᐅᔭᕆᐊᖃᕐᓂᖓᓄᑦ ᐅᖃᓘᑎᒃᑯᑦ ᑲᑎᒪᔪᓂᒃ, ᑕᕐᕆᔭᐅᑎᒃᑯᑦ ᑲᑎᒪᔪᓂᒃ, ᐅᕝᕙᓘᓐᓃᑦ ᐅᐸᒍᑎᓪᓚᑦᑖᕐᓗᓂ ᕿᒥᕐᕈᔩᑦ ᑲᑎᒪᔨᕋᓛᖏᑦ ᖃᐅᔨᓇᓱᒃᑎᓪᓗᒋᑦ

ᕿᒥᕐᕈᔩᑦ ᑲᑎᒪᔨᕋᓛᖏᑦ ᐃᒪᐃᓕᐅᕐᓂᐊᖅᐳᑦ:

  • ᖃᐅᔨᓇᓱᒃᑎᑦᑎᓗᑎᒃ ᐅᓪᓗ ᐊᕙᑎᑦ ᐃᖅᑲᓇᐃᔭᕐᓇᑦ ᐃᓗᐊᓂ ᑐᒃᓯᕋᐅᑎᖓ ᐱᔭᐅᓚᐅᖅᑎᓪᓗᒍ;
  • ᐃᓱᒪᓕᐅᕆᓂᐊᖅᐳᑦ ᐅᓪᓗᑦ 30 ᐃᓗᐊᓂ ᖃᐅᔨᓇᓱᒃᑎᑦᑎᓚᐅᖅᑎᓪᓗᒋᑦ;
  • ᑭᖑᓪᓕᖅᐹᖅᓯᐅᒻᒥᒃ ᐃᓱᒪᓕᐅᕈᑎᒥᒃ ᓇᒃᓯᐅᔾᔨᕝᕕᐅᓗᑎᑦ.

ᖃᐅᔨᒪᒋᑦ: ᐅᖓᕙᕆᐊᖅᑕᐅᓂᐅᔪᓄᑦ ᕿᒥᕐᕈᔭᐅᓂᕐᒧᑦ ᐱᑎᑦᑎᑐᐃᓐᓇᕆᐊᖃᖅᐳᖅ ᐅᖓᕙᕆᐊᖅᑕᐅᔪᒥ ᑐᓵᓂᐅᔪᓄᑦ ᐊᒻᒪᓗ/ᐅᕝᕙᓘᓐᓃᑦ ᐃᓱᒪᓕᐊᖑᓂᐅᔪᓄᑦ.