ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐊᑐᐊᒐᐃᑦ ᐱᕙᓪᓕᐊᑎᑦᓯᓂᖅ ᐱᓕᕆᔾᔪᓯᖅ

ᐊᑐᐊᒐᐃᑦ ᐱᕙᓪᓕᐊᑎᑦᓯᓂᖅ ᐱᓕᕆᔾᔪᓯᖅ

ᓇᓪᓕᐅᒃᑯᒫᓕᕆᔨᒃᑯᑦ ᐊᐅᓚᑦᓯᔩᑦ ᑲᑎᒪᔨᖏᑦ ᖃᐅᔨᒪᔾᔪᑕᐅᓗᑎᒃ ᐃᓗᓕᖃᐅᑦᓯᐊᖅᑐᓂᑦ ᐊᑐᐊᒐᕐᓂᑦ ᕿᒥᕐᕈᓂᕐᒧᑦ ᐸᕐᓇᓂᕐᒥᑦ ᑐᑭᒧᐊᑦᑎᑦᓯᓲᖑᑦᓱᓂ ᓇᓪᓕᐅᒃᑯᒫᓕᕆᔨᒃᑯᑦ ᐊᑐᐊᒐᖏᓐᓂᑦ ᕿᒥᕐᕈᓂᕐᒥᑦ ᐱᓕᕆᔾᔪᓯᕐᒥᑦ.  

ᐱᔾᔪᑎᒋᔭᖓ ᐃᓗᓕᖃᐅᑦᓯᐊᖅᑐᓂᑦ ᐊᑐᐊᒐᕐᓂᑦ ᕿᒥᕐᕈᓂᕐᒧᑦ ᐸᕐᓇᓂᕐᒥᑦ ᐃᒪᐃᓐᓂᐊᕐᒪ:

•    ᕿᒥᕐᕈᓂᕐᒥᑦ ᐊᑐᓂᑦ ᐊᑐᐊᒐᕐᓂᑦ ᐊᑕᐅᓯᕐᓗᑎᑦ ᐊᕐᕌᒍᐃᑦ ᑕᓪᓕᒪᑦᑕᒫᖅ; 
•    ᓇᓗᓇᐃᖅᓯᓂᕐᒥᑦ ᒪᓕᑦᓯᐊᕋᓗᐊᕐᒪᖔᑕ ᒪᓕᒐᕐᓂᑦ ᑕᒪᐃᓐᓄᓪᓗ ᐊᑐᐊᒐᕐᓂᑦ; ᐊᒻᒪᓗ
•    ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒻᑯᒻᒫᓂᒃᓗ ᖃᐅᔨᓴᖅᑏᑦ ᐊᑐᐊᒐᐃᑦ, ᐱᓕᕆᐊᖃᖕᓂᖕᒧᑦ ᐊᑐᐊᒐᐃᑦ ᐊᐅᓚᑦᑎᔨᒃᑯᑦ ᑲᑎᒪᔨᖏᑦ ᑎᓕᐅᕆᔾᔪᑎᖏᑦaᐅᓪᓗᒥᒨᖓᒐᓗᐊᖕᒪᖔᖏᑦ ᐊᑐᖕᒪᖔᖏᓪᓗ.


ᓴᓇᔪᖃᓕᖅᑎᓪᓗᒍ ᐅᕝᕙᓗᓂᑦ ᐋᖅᑭᒋᐊᖅᑕᐅᔪᖃᓕᖅᑎᓪᓗᒍ ᐊᑐᐊᒐᕐᒥᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑐᐊᖅᓯᓱᖑᒪᑕ ᑭᖑᓕᕇᒃᑐᓂᑦ ᐱᓕᕆᓂᐅᔪᓂᑦ: 

  1.  ᐊᑲᐅᙱᓕᐅᕈᑎ ᓇᓗᓇᐃᖅᑕᐅᔪᖅ: ᑕᐃᒪᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᐅᔨᒪᓕᖅᐸᑕ ᓄᑖᓂᑦ ᐊᑲᐅᙱᓕᐅᕈᑎᓂᑦ, ᐃᓱᒪᒃᓴᖅᓯᐅᕈᑎᖃᓱᖑᒪᑕ ᐃᒫᖑᒪᖔᑕ ᐊᑐᖅᑕᐅᔪᑦ ᐊᑐᐊᒐᐃᑦ ᓈᒪᒃᑲᓗᐊᕐᒪᖔᑕ ᐱᔭᐅᔭᕆᐊᓕᓐᓄᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᒻᒪᓗ ᐱᖃᒃᑎᐅᖃᑕᐅᔪᓄᑦ ᐅᕝᕙᓗᓂᑦ ᐃᒫᖑᒪᖔᑕ ᓄᑖᓂᑦ ᐊᑐᐊᒐᕐᓂᑦ ᐱᑕᖃᕆᐊᖃᓕᕐᒪᖔᑦ. ​

  2. ᐊᑲᐅᙱᓕᐅᕈᑎ ᐱᓕᕆᐊᖑᔪᖅ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᑕᖃᕆᐊᖃᒃᑎᑕᐅᓂᖏᑦ ᐃᖃᓇᐃᔭᕐᕕᖏᓐᓂᑦ ᖃᐅᔨᓇᓱᐊᖅᑕᐅᓱᖑᒪᑕ, ᐊᒻᒪᓗ ᐊᑲᐅᙱᓕᐅᕈᑎ ᐊᒃᓱᐋᓗᖅᐸᑦ, ᑐᓂᔭᐅᓱᖑᒪᑕ ᐊᐅᓚᑦᑎᓂᕐᒧᑦ ᑲᑎᒪᔨᓄ ᑖᒃᑯᓄᖓ ᐃᓱᒪᒃᓴᖅᓯᐅᕈᑕᐅᖁᓪᓗᒍ. ᒫᓐᓇᐅᓂᖓᓂ, ᐊᐅᓚᑦᑎᓂᕐᒧᑦ ᑲᑎᒪᔨᑦ ᐊᐱᕆᑐᐃᓐᓇᕆᐊᖃᕐᒪᑕ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᐱᖅᓱᖁᓗᒋᑦ ᓯᓚᑖᓂᑦᑐᑦᑐᓂᑦ ᐱᖃᒃᑎᐅᖃᑕᐅᔪᓂᑦ.  

  3. ᖃᐅᔨᓇᓱᐊᕐᓂᖅ ᐊᒻᒪᓗ ᖃᐅᔨᓴᖅᓯᓂᖅ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᐊᖃᓱᖑᒪᑕ ᐃᖃᓇᐃᔭᕐᕕᒋᔭᒻᒥᓐᓂ ᐊᒻᒪᓗ ᓯᓚᑖᓂᑦᑐᓂᑦ ᐱᖃᒃᑎᐅᖃᑕᐅᔪᓂᑦ ᓴᓇᓕᖅᑎᓪᓗᒋᑦ ᐅᕝᕙᓗᓂᑦ ᐋᖅᑭᒋᐊᖅᓯᑎᓪᓗᒋ ᐊᑐᐊᒐᕐᓂᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᐊᖃᐃᓐᓇᓱᖑᓂᕐᒥᓄᑦ ᐊᔾᔨᐅᓂᖅᓯᐅᕆᓱᖑᒪᑕ ᐊᑐᐊᒐᕐᓂᑦ ᐊᓯᖏᓐᓄᑦ ᑲᓇᑕᒥ ᐃᖃᓇᐃᔭᖅᑎᑦ ᐊᑭᓖᔾᔪᑎᓕᕆᔨᒃᑯᑦ ᑲᑎᒪᔨᖏᓐᓂ.

  4. ᐃᓱᒪᒃᓴᖅᓯᐅᕈᑕᐅᓗᓂ ᐊᒻᒪᓗ ᐊᖏᖅᑕᐅᓗᓂ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᖓᔪᖄᖓᑦ ᑐᓂᓯᓚᐅᕐᒪᑦ ᓯᕗᓪᓕᖅᐹᖅᓯᐅᑎᒥᑦ ᐊᑐᐊᒐᕐᒥᑦ ᐊᐅᓚᑦᑎᓂᕐᒧᑦ ᑲᑎᒪᔨᓄᑦ ᐃᓱᒪᒃᓴᖅᓯᐅᕈᑕᐅᖁᓪᓗᒍ ᐊᒻᒪᓗ ᐊᖏᖅᑕᐅᓗᓂ.

  5. ᐃᖃᓇᐃᔭᕐᕕᒋᔭᒥᓂ ᐊᒻᒪᓗ ᓯᓚᑖᓂ ᑐᓴᐅᒪᖃᑎᒋᒍᑎᓕᕆᔨᒃᑯᑦ: ᓄᑖᑦ ᐅᕝᕙᓗᓂᑦ ᐋᖅᑭᒋᐊᖅᑕᐅᓯᒪᓗᑎᒃ ᐊᑐᐊᒐᐃᑦ ᑐᓂᐅᖃᒃᑕᐅᓱᖑᕗᑦ ᐃᖃᓇᐃᔭᖅᑎᓕᒫᓄᑦ, ᐃᖃᓇᐃᔭᖅᑎᑦ ᐅᖃᐅᔾᔨᒋᐊᖅᑎᖓ ᐊᒻᒪᓗ ᐊᔪᐃᓐᓇᕆᐊᓪᓚᖕᓂᕐᒧᑦ ᐃᖃᒃᑐᐃᔨᒃᑯᓄᑦ. ᑐᓴᖅᑕᐅᑎᑕᐅᓱᖑᒻᒥᔪᑦ ᐱᖃᒃᑎᐅᖃᑕᐅᔪᓅᖅᑕᐅᓗᑎᒃ ᐅᑯᑎᒎᓈᖅᑎᑕᐅᓗᑎᒃ ᐃᖃᓚᐃᔭᖅᑎᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑭᓕᖅᑕᐅᔪᑎᓄᓪᓗ ᐱᓕᕆᔾᔪᑎᓕᕆᔨᒃᑯᑦ WSCC’s SafetyNet ᖃᕋᑕᐅᔭᒃᑯᑦ−ᐱᕙᓪᓕᐊᔪᓕᕆᓯᒪᔪᓂ ᐊᒻᒪᓗ ᐃᓅᓕᒪᑦ ᐱᕙᓪᓕᐊᔪᓕᕆᔾᔪᑎᖏᓐᓂ.