ᖁᐊᔭᕿᓐᓃᑦ, ᓈᓐᓂᑦ, ᐊᒻᒪᓗ ᐃᔪᒃᑲᕐᓃᑦ ᐱᕐᕈᐊᕿᔾᔪᑕᐅᓪᓗᐊᑕᓱᖑᒪᑕ ᐃᖃᓇᐃᔭᕐᕕᖕᓂ ᐋᓐᓂᕈᑕᐅᕙᒃᖢᑎᒃ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐊᕐᕌᖑᑕᒪᑦ. ᐊᑯᓐᓂᖏᓐᓂ 2017 ᐊᒻᒪᓗ 2021, ᐅᖓᑖᓂᓚᐅᕐᒪᑕ 20% ᐳᓴᓐᑎᖏᑕ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑭᓕᖅᓱᐃᖃᑦᑕᒻᒪᑕ ᐱᕐᕈᐋᕿᔪᒥᓂᕐᓂᑦ ᖁᐊᔭᕿᑦᑐᓂᒃ, ᓈᑦᑐᓂᒃ, ᐊᒻᒪᓗ ᐃᔪᒃᑲᖅᑐᓂᑦ. ᐃᔪᒃᑲᓚᖅᑭᑎᑕᐅᓱᖑᒪᑕ ᖁᐋᔭᕿᓐᓂᕐᒧᑦ ᐊᒻᒪᓗ ᓈᓐᓂᕐᒧᑦ ᐃᒪᓐᓇᐅᓕᖅᑎᑦᑎᒐᔪᒃᖢᓂᓗ ᐊᒧᒃᓯᒋᑎᑦᑎᓪᓗᑎᒃ ᐊᒻᒪᓗ ᑕᖃᔪᐃᓪᓕᑎᑦᑎᓪᓗᓂ. ᐱᐅᖏᓐᓂᖅᐹᑦ ᐱᕐᕈᐊᕿᓃᑦ, ᑕᒪᒃᑯᐊ ᐱᕐᕈᐋᕿᓃᑦ ᐃᒪᓐᓇᐃᓕᑎᑦᑎᔪᓐᓇᕐᒪᑕ ᖁᐊᖅᓵᖅᓯᒪᓗᐋᓕᕐᓗᑎ ᐋᓐᓂᕐᓂᑯᒧᑦ.
ᖁᐊᔭᕿᑦᑐᓐᓇᕋᕕᑦ ᑐᖕᒪᑦᑎᐊᕈᓐᓃᕐᓂᕈᕕᑦ ᑐᖕᒪᔭᕐᓂ ᐱᓱᒡᕕᒋᓗᒍ. ᓈᑦᑐᖃᓱᖑᒪᑦ ᒪᑭᑕᑦᑎᐊᕈᓐᓇᐃᓕᓪᓗᑎᒃ. ᑕᒪᒃᑭᖏᓐᓂ ᐱᕐᕈᐊᕿᓂᐅᔫᓂ, ᐋᓐᓂᕐᓂᕆᔭᐅᔪᑦ ᐊᒃᓱᐋᓗᕈᓐᓇᕐᒪᑕ ᐊᒻᒪᓗ ᐊᑯᓂᐋᓗᓕᖅᑎᑦᑎᔪᓐᓇᖅᖢᑎᒃ ᐊᑲᐅᓯᓇᓱᐋᓂᖏᓐᓂᒃ.
ᐊᒥᓲᓂᖅᓴᐃᑦ ᖁᐊᔭᕿᑦᑐᑦ ᐊᒻᒪᓗ ᓈᑦᑐᑦ ᐊᓯᐅᔨᓲᖑᓪᓗᑎᒃ ᐃᖃᓇᐃᔭᕐᓂᕆᒐᔭᖅᑕᕋᓗᐋᖏᓐᓂᒃ ᑕᐃᒪᓐᓇᐅᓕᓲᖑᓪᓗᑎᒃ ᐊᑐᖅᑎᓪᓗᒋᑦ ᐅᑭᐅᒃᑯᑦ ᑕᖅᑭᖏᑦ. ᓂᒡᓚᓱᖕᓂᖅᓴᐅᓕᖅᑎᓪᓗᒍ ᓯᓚᐅᑉ ᖃᓄᐃᑦᑑᓂᖓ ᐱᒋᐋᖅᑎᑦᑎᓲᖑᒪᑦ ᐊᓄᕌᓕᖅᑐᐋᓗᖃᑦᑕᕐᓂᖓᓂᑦ ᑕᒪᓐᓇᓗ ᖁᐋᔭᕿᓚᕿᑎᑦᑎᕙᒃᖢᓂ, ᓈᑦᑎᑦᑎᕙᒃᖢᓂ, ᐊᒻᒪᓗ ᐃᔪᒃᑲᓚᕿᑎᑦᑎᕙᒃᖢᓂ. ᐊᖅᑯᑏᑦ ᐊᒻᒪᓗ ᐱᓱᒡᕖᑦ ᓂᓚᕈᒃᓯᒪᓲᖑᒪᑕ ᐊᒻᒪᓗ ᐊᐱᓯᒪᓲᖑᓪᓗᑎᒃ, ᑭᒃᑯᑐᐃᓐᓇᐃᑦ ᐊᑐᖏᑦᑐᒥᓂᐅᑐᐃᓐᓇᕆᐊᖃᕐᒪᑕ ᐊᑐᖅᑕᐅᔭᕆᐋᖃᒃᑑᒐᓗᐋᓂᒃ ᐃᓯᒐᒍᑎᓂᒃ ᑕᒪᑐᒪ ᖃᓄᐃᑦᑑᓕᖅᓯᒪᓂᖓᓄᑦ, ᐅᐄᒻᒪᒃᑎᑕᐅᓪᓗᑎᒃ, ᐅᕝᕙᓗᓂᑦ ᑐᐋᕕᖅᑐᒥᓂᐅᑐᐃᓐᓇᕆᐊᖃᒻᒪᑕ. ᐃᓘᓐᓇᑎᒃ ᑕᒪᒃᑯᐊ ᓯᓚᐅᑉ ᖃᓄᐃᑦᑑᓕᕐᓂᖏᑦ ᐊᑕᐅᑦᑎᒃᑰᖅᑎᓪᓗᒋᑦ ᓴᖅᑭᑎᑦᑎᔪᓐᓇᕐᒪᑕ ᐋᓐᓂᕐᓇᖅᑐᓂᒃ ᐊᒻᒪᓗ ᑲᙳᑦᑎᓐᓇᖅᑐᓂᒃ ᐊᑲᐅᙱᓕᐅᕈᑎᓂᒃ.
ᑕᒪᓐᓇᑐᐋᖑᖏᒻᒪᑦ ᓂᒡᓚᓱᒃᑎᓪᓗᒍ ᓯᓚᐅᑉ ᖃᓄᐃᑦᑑᓕᕐᓂᖓ ᖁᐋᔭᕿᓚᕿᑎᑦᑎᓲᖑᓂᖓ, ᓈᓚᕿᑎᑦᑎᓲᖑᓂᖓ, ᐊᒻᒪᓗ ᐃᔪᒃᑲᓚᕿᑎᑦᑎᓲᖑᓂᖓ ᐃᖃᓇᐃᔭᕐᕕᒋᔭᐅᔪᓂ. ᑕᒪᒃᑯᐊ ᐱᕐᕈᐋᕿᓃᑦ ᐱᕐᕈᐋᕿᔾᔪᑕᐅᓲᖑᖕᒥᖕᒪᑕ ᐃᒡᓘᑉ ᐃᓗᐋᓂ, ᐅᔾᔨᖅᑐᑦᑎᐋᕆᐊᖃᕋᕕᑦ ᒥᑭᓂᖅᓴᐅᖁᓪᓗᒋ ᖁᒃᓴᓇᕐᓂᖏᑦ ᐊᒃᓱᐋᓗᒃ ᐋᓐᓂᑐᐃᓐᓇᕆᐊᖃᕐᓂᕐᓂᑦ. ᖃᐅᔨᖅᑐᑦ ᐱᓱᒡᕕᐅᕙᒃᑐᓂᒃ ᖁᐋᓴᐅᓕᖅᑎᑦᑎᔪᓐᓇᕐᒪᑕ. ᐊᑦᑐᖏᖅᓯᒪᑎᓐᓇᒋᑦ ᐊᒻᒪᓗ ᐊᐅᓚᔾᔭᐃᔭᖅᓯᒪᑎᓐᓇᒋᑦ ᓇᑎᕋᐃᑦ ᐅᕝᕙᓗᓂᑦ ᐊᓗᕐᓘᐃᔭᐅᑎᑦ, ᐃᓚᒋᔭᐅᓪᓗᑎᒡᓗ ᒪᓂᕋᐅᖏᑦᑐᑦ ᐱᓱᒡᕕᐅᕙᒃᑐᑦ, ᖁᐋᔭᕿᓚᕿᔾᔪᑕᐅᓲᖑᖕᒪᑕ ᐊᒻᒪᓗ ᓈᓚᕿᔾᔪᑕᐅᓲᖑᓪᓗᑎᒃ. ᓴᓂᕈᓗᔮᓗᐃᑦ ᓇᑏᑦ, ᐅᓕᒃᓯᒪᙱᑎᓪᓗᒋᑦ ᑲᐃᕗᑦ ᐅᐋᔭᑯᑕᑦ, ᐊᒻᒪᓗ ᐊᒧᓯᒪᑎᓪᓗᒋ ᐊᒧᔭᖅᑐᑦ ᐊᓪᓕᖅᐹᑦ ᓈᔾᔪᑕᐅᓪᓗᐋᑕᓲᖑᖕᒥᖕᒪᑕ.
ᖁᐋᔭᕿᓐᓃᑦ, ᓈᓐᓂᑦ, ᐊᒻᒪᓗ ᐃᔪᒃᑲᕐᓂᑦ ᑕᐃᒪᐃᓕᑎᑦᑎᔪᓐᓇᕐᒥᖕᒪᑕ ᐃᖃᓇᐃᔭᖅᑏᑦ ᑕᑯᓐᓇᕈᓇᑎᐋᕈᓐᓃᖅᑐᒥᐅᒃᐸᑦ ᓇᐅᒃᑯᑦ ᐱᓱᓕᕋᓗᐋᕐᒪᖔᕐᒥᒃ. ᑕᐃᒪᓐᓇᐃᓕᔪᓐᓇᕐᒪᑕ ᑕᑯᓐᓈᕋᓱᐊᖅᑕᖓ ᑖᓪᓕᖅᑕᐅᓯᒪᔪᒥᓂᐅᓕᕐᓂᖅᐸᑦ, ᐅᕝᕙᓗᓂᑦ ᖃᐅᒪᖃᙱᓗᐊᖅᑐᒥᓂᐅᒃᐸᑦ ᑖᖅᑎᖓᕈᓗᓂ.
ᐊᒃᓱᐋᓗᖏᓐᓂᖅᓴᐅᓕᖅᑎᓪᓗᒋᑦ ᖁᒃᓴᓇᕐᓂᖏᑦ ᖁᐋᔭᕿᓂᐅᓴᓂᕐᒧᑦ ᐊᒻᒪᓗ ᓈᔾᔪᑎᖃᓂᐅᓴᓂᕐᒧᑦ
ᐃᖃᓇᐃᔭᕖᑦ ᐊᑐᕈᓐᓇᕐᒪᑦ ᖃᔅᓰᓇᐅᒐᓗᐊᓂᒃ ᐱᔭᕐᓂᖅᑑᓂᒃ ᐱᓕᕆᒋᐊᕈᑎᖃᕐᓗᑎᒃ ᐊᒃᓱᐋᓗᖏᓐᓂᖅᓴᐅᓕᖁᓪᓗᒍ ᖁᐋᔭᕿᑦᑐᖃᓂᐅᓴᓂᖓ, ᓈᑦᑐᖃᓂᐅᓴᓂᖓ, ᐊᒻᒪᓗ ᐃᔪᒃᑲᖅᑐᖃᓂᐅᓴᓂᖓᓂᑦ.
ᓇᔪᒐᕐᒥᑦ ᐋᖅᑭᑦᑎᐊᖅᓯᒪᑎᑦᑎᓂᖅ ᐱᒻᒪᕆᐋᓗᖕᒪᑕ ᐊᑐᕐᓂᐅᓴᖏᓐᓂᖅᓴᐅᓕᖁᓪᓗᒍ ᐃᖃᓇᐃᔭᕐᕕᖕᒥ ᐋᓐᓂᖅᑐᖃᓂᖓᓂᑦ ᑐᕌᖓᔪᓂᑦ ᖁᐋᔭᕿᓐᓂᕐᒧᑦ, ᓈᓐᓂᕐᒧᑦ, ᐊᒻᒪᓗ ᐃᔪᒃᑲᓂᕐᒧᑦ. ᑕᐃᒪᓐᓇᐃᑦᑐᑦ ᐊᑐᖅᑕᐅᓇᓱᐋᖅᑎᓪᓗᒋᑦ ᐱᖃᓯᐅᔾᔨᖕᒪᑕ:
- ᐊᓪᓚᖅᑎᖅᐸᒡᓗᒋᑦ ᑯᕕᓂᕐᓗᑯᐃᑦ ᑯᕕᔪᖃᑐᐋᕋᖓᑦ, ᐊᒻᒪᓗ ᖃᐅᔨᒪᓇᖅᓯᑎᖃᑦᑕᕐᓗᒋᑦ ᖃᐅᓯᕐᓂᐅᔪᑦ.
- ᐃᒪᓇᐅᑎᓪᓚᕆᒋᐊᖅᐸᒡᓗᒋᑦ ᐱᓱᒡᕕᐅᕙᒃᑐᑦ ᓴᓂᖅᑕᖃᖏᓪᓗᑎᒃ, ᐊᒡᕕᐋᖅᑐᖅᑕᖃᖏᓪᓗᑎᒃ, ᐊᒻᒪᓗ ᓴᓂᕈᓗᔮᓗᖏᓪᓗᓂ.
- ᓅᓐᓂᐅᓴᔪᓐᓃᖅᑎᓪᓗᒋᑦ ᐊᓗᕐᓗᐃᔭᐅᑎᑦ, ᓇᑎᕋᐃᑦ, ᐊᒻᒪᓗ ᓇᑎᕋᓕᐅᑎᓯᒪᔪᑦ ᒪᒥᓕᒃᑎᓯᒪᑦᑎᐋᕐᓗᑎᒃ ᐊᒻᒪᓗ ᒪᓂᕋᑦᑎᐊᓕᖅᑎᓯᒪᓗᒋᑦ.
- ᐅᓕᒃᓯᒪᕙᒡᓗᒋᑦ ᑲᐃᕗᑦ ᐅᐋᔭᑯᑖᑦ ᐃᑳᖅᓯᒪᔪᑦ ᓇᑎᒃᑯᑦ.
- ᒪᑐᑦᑎᐋᖅᐸᒡᓗᒋᑦ ᐊᒧᔭᖅᑐᑦ, ᐱᓗᐊᙳᐊᖅᑐᒥᒃ ᑕᐃᒃᑯᐊ ᐊᒃᐸᓯᒃᑐᒦᑦᑐᑦ ᓇᑎᕐᒧᑦ ᖃᓂᑦᑐᑦ.
- ᖃᐅᔨᒪᒋᐋᖅᐸᒡᓗᒋᑦ ᖃᐅᒻᒪᖁᑎᑦ ᓈᒻᒪᒃᑲᓗᐋᕐᒪᖔᑕ ᑕᑯᒃᓴᐅᑦᑎᐋᕐᓇᕐᓗᑎᒃ, ᐊᒻᒪᓗ ᐋᖅᑭᒃᓯᕕᒋᑦᖤᐅᑎᒋᕙᒡᓗᒋᑦ ᖄᖅᓯᒪᔪᑦ ᓇᑲᓲᔭᐃᑦ ᐅᕝᕙᓗᓂᑦ ᐱᐅᔪᓐᓃᖅᓯᒪᔪᑦ ᖃᒥᑦᑕᐅᑎᑦ.
ᐱᐅᓂᖅᓴᐅᓕᖅᑎᑦᑎᓂᖅ ᐃᖃᓇᐃᔭᕕᐅᑉ ᓇᑎᖓᓂᑦ ᐊᒃᓱᐋᓗᒃ ᐱᕐᕈᐋᕿᓂᐅᓴᔪᖃᖏᓐᓂᖅᓴᐅᓕᖅᑎᑦᑎᔪᓐᓇᕐᒪᑦ ᖁᒃᓴᓇᕐᓂᖓᓂᒃ ᖁᐋᔭᕿᓂᐅᓴᓂᕐᒧᑦ ᐊᒻᒪᓗ ᓈᑦᑐᖃᓂᐅᓴᓂᖓᓄᑦ. ᐊᒥᐋᒃᑲᓐᓂᕐᓗᒋᑦ ᖄᖏᑦ, ᐋᖅᑭᒃᓯᓗᓂ ᐊᓗᕐᓗᐃᔭᐅᑎᓂᒃ ᐅᕝᕙᓗᓂᑦ ᐃᒃᑲᓗᒃᑐᓂᒃ ᓂᐱᑦᑕᔫᖅᓯᕕᒋᓗᒋᑦ, ᐅᕝᕙᓗᓂᑦ ᐊᑐᕐᓗᓂ ᐃᒃᑲᓗᒍᑎᓂᒃ−ᐃᓚᖃᓪᓗᓂ ᐊᒥᐊᖅᓯᒃᑲᓐᓂᕈᑎ ᐃᓚᒋᔭᐅᖕᒪᑕ ᐊᑲᐅᙱᓕᐅᕈᑎᖃᕈᓐᓃᖅᑎᑦᑎᓂᕐᒧᑦ ᐱᐅᓂᖅᓴᐅᓕᖅᑎᑦᑎᓂᕐᒧᑦ ᑐᖕᒪᑦᑎᐋᕐᕕᒃᓴᐅᓂᖓᓂᑦ.
ᐃᒻᒥᓂᖅᓱᕐᓂᕐᓄᑦ, ᐱᓕᕆᐋᖄᕋᕕᑦ ᐊᑐᕋᓱᒋᐋᖃᒃᖢᑎᑦ ᖁᐋᔭᕿᑦᑕᐅᓕᒪᓂᕐᒥᑦ ᐊᒻᒪᓗ ᐃᔪᒃᑲᖅᑕᐅᓕᒪᓂᕐᒥᑦ. ᐊᑐᕐᓗᑎᑦ ᓈᒻᒪᒃᑐᓂᒃ ᐃᓯᒐᒍᑎᓂᒃ ᐃᕝᕕᑦ ᐃᖃᓇᐃᔭᕐᕕᒋᔭᖓᓂ ᖃᓄᐃᓕᖓᓂᖏᓐᓂ ᐃᓚᒋᔭᐅᖕᒪᑦ ᐱᐅᓛᖑᓪᓗᓂ ᐋᓐᓂᑐᐃᓐᓇᕆᐊᖃᖏᓐᓂᖅᓴᐅᓕᖅᑎᑦᑎᓂᖓ ᖁᒃᓴᓇᖏᓐᓂᖅᓴᐅᓕᕐᓗᓂ. ᑐᑭᓕᐅᑎᓗᒍ, ᐃᖃᓇᐃᔭᕋᔭᕈᕕᑦ ᓯᓚᒥ ᐅᑭᐅᒃᑯᑦ, ᖃᐅᔨᒪᒋᐋᕆᐋᖃᕋᕕᑦ ᑲᒥᐋᓗᒃᑭᒃ ᐱᐅᓂᕋᒃᑕᐅᒐᓗᐋᕐᒪᖔᑎᒃ ᓂᒡᓚᓱᒃᑎᓪᓗᒍ, ᑕᐃᒃᑯᐊ ᐊᑐᖅᑕᐅᑐᐃᓐᓇᓱᑦ ᐃᓯᒐᒍᑏᑦ ᓈᒻᒪᒃᑐᒥᒃ ᑐᖕᒪᑦᑎᐊᕈᓐᓇᖅᑎᑦᑎᖏᒻᒪᑕ. ᑕᐃᒪᓕ ᐃᖃᓇᐃᔭᕐᓂᕈᕕᑦ ᓂᓚᒃᓯᒪᔪᒥ, ᐊᑐᕋᓱᐊᕆᐊᖃᒃᐳᑎᑦ ᓂᓚᒃᓯᒪᔪᒃᑯᑦ ᖁᐋᔭᕿᔭᐃᑯᑎᓂᒃ.
ᐃᓚᒋᔭᐅᒃᑲᓐᓂᓪᓗᓂ ᓈᒻᒪᒃᑐᓂᒃ ᐃᓯᒐᖕᒥᒍᑎᖃᕐᓗᑎᑦ, ᐊᓯᖏᓐᓂᑦ ᒪᓕᖔᕈᓐᓇᖅᑐᑎᑦ ᐱᔭᕐᓂᖅᑐᑯᓗᖕᓂᑦ ᐅᔾᔨᖅᑐᑦᑎᐊᕈᑎᓂᒃ ᐊᒃᓱᐋᓗᕈᓐᓃᖁᓪᓗᒍ ᖁᐊᔭᕿᑐᐃᓐᓇᕆᐋᖃᕐᓃᑦ ᐊᒻᒪᓗ ᓈᑐᐃᓐᓇᕆᐋᖃᕐᓃᑦ:
- ᐱᕙᒌᔭᕐᓗᑎᒃ ᐱᕕᖃᓂᖅᓴᐅᓇᓱᐋᕐᓗᑎᑦ ᑎᑭᐅᑎᓇᓱᐊᓂᕐᓂ ᐅᐸᒐᓱᐋᖅᑕᕐᓄᑦ. ᖃᐅᔨᓴᕐᓗᑎᑦ ᓇᒧᖓᓕᕈᕕᑦ ᐊᒻᒪᓗ ᐋᖅᑭᐅᒪᒋᐊᕐᓗᑎᑦ ᐊᑐᖅᑕᕐᓂ ᐱᓱᒃᑎᓪᓗᑎᑦ ᖄᖓᒍᑦ ᖃᓄᐃᓕᖓᓂᖏᓐᓂᒃ.
- ᖃᐅᔨᒪᑦᑎᐋᕆᐊᕐᓗᑎᑦ ᑭᓱᑐᐃᓐᓇᕐᒥᒃ ᐊᒡᔭᖅᓯᑎᓪᓗᑎᒃ ᑕᑯᓐᓇᕈᓃᖅᑎᑕᐅᑦᑕᐃᓕᒪᓗᑎᑦ ᑕᐅᑐᖕᓂᕆᔭᕐᓂᑦ.
- ᐊᒡᒐᒃᐱᑦ ᐃᒡᓗᐊ ᑎᒍᒥᐋᖅᑕᖃᖏᓪᓗᓂ ᑕᐃᒫᖑᔪᕐᓇᑐᐋᕈᕕᑦ ᒪᑭᑕᑦᑎᐋᕈᓐᓇᖁᓪᓗᑎᑦ, ᓇᔪᒻᒥᓗᑎᑦ ᒪᔪᕋᐅᑎᒃᑰᕐᓗᓂ ᐊᔭᑉᐸᒃᓯᒪᕕᖕᒥᑦ.
- ᐊᑦᑕᖅᑐᔪᒥᒃ ᓴᖑᕙᒡᓗᑎᑦ ᓴᖑᕕᖃᓕᕌᖓᕕᑦ ᑎᖅᑭᒃᑯᓐᓂᒃ.
- ᐊᑐᕐᓗᑎᑦ ᖃᐅᒻᒪᒃᑕᔪᒥᒃ ᐅᕝᕙᓗᑦ ᓂᐊᖁᒦᓱᒥᒃ ᖃᐅᒻᒥᑦᑎᓯᒪᒍᑎᒥᒃ ᐃᓯᓕᕌᖓᕕᑦ ᑖᖅᑯᓄᑦ ᐃᒡᓗᕈᓯᕐᓄᑦ ᐅᕝᕙᓗᓂᑦ ᑭᓱᒃᑯᕕᖕᓄᑦ.
ᐊᑐᖅᑕᐅᔪᓐᓇᖅᑐᑦ:
ᐅᒡᕙᐅᑯᐊ ᖃᔅᓯᑲᓚᑯᓗᐃᑦ ᐃᓚᒃᑲᓐᓂᖏᑦ ᐊᑐᖅᑕᐅᔪᓐᓇᖅᑐᑦ ᐅᖃᐅᑎᖃᒃᑐᑦ ᐱᕐᕈᐋᕿᑦᑕᐅᓕᒪᓂᒻᒥᒃ ᖁᐊᔭᕿᑕᐃᓕᒪᓗᓂ, ᓈᑦᑕᐅᓕᒪᓗᓂ, ᐊᒻᒪᓗ ᐃᔪᑲᖅᑕᐃᓕᒪᓗᓂ:
- ᖁᐊᔭᕿᓐᓃᑦ, ᓈᓐᓂᑦ, ᐊᒻᒪᓗ ᐃᔪᒃᑲᕐᓃᑦ
- ᐱᕐᕈᐋᕿᑦᑕᐅᓕᒪᑎᑦᑎᓂᖅ ᖁᐋᔭᕿᓪᓗᑎᒃ, ᓈᓪᓗᑎᒃ, ᐊᒻᒪᓗ ᐃᔪᒃᑲᖅᑕᐅᓕᒪᑎᑕᐅᓗᑎᒃ (ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ [CCOHS])
- ᐱᕐᕈᐋᕿᑦᑕᐅᓕᒪᓂᖅ ᐃᔪᒃᑲᓂᕐᓂᑦ ᖁᐋᔭᕿᓐᓂᕐᓂᑦ ᐊᒻᒪᓗ ᓈᓐᓂᕐᓂᑦ, ᐊᑕᐅᓯᐅᓈᖅᑎᓪᓗᒋᑦ ᐊᑐᖅᐸᓪᓕᐋᕙᒡᓗᒋᑦ (CCOHS)
