ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᔭᓗᓇᐃᒥ ᐊᒻᒪ ᐃᓄᕕᒃᒥᑦ ᑎᑎᕋᕐᕕᖏᑦ ᒪᑐᐃᖓᓕᕐᑐᑦ ᑭᒃᑯᓕᒫᓄᑦ. ᑎᑎᕋᕐᕕᒃᐳᑦ ᐃᖃᓗᖕᓂ ᒫᓐᓇ ᒪᑐᓯᒪᖕᒪᑦ ᑭᒃᑯᓕᒫᓄᑦ ᐊᒻᒪᓗ ᐃᖅᑲᓇᐃᔭᖅᑎᕗᑦ ᐃᖅᑲᓇᐃᔭᖅᖢᑎᒃ ᐊᖏᕐᕋᖏᓐᓂᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᓇᓪᓕᐅᒃᑯᒫᓕᕆᔩᑦ

ᓇᓪᓕᐅᒃᑯᒫᓕᕆᔩᑦ

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᑮᓇᐅᔭᓂᒃ ᐱᓇᔪᒃᑐᓂᒃ ᐱᔨᑦᑎᕋᓲᖑᕗᑦ ᒪᓂᒻᒪᐃᓪᓗᑎᒃ ᑐᑭᓯᒋᐊᒐᒃᓴᓂᒃ ᐃᑲᔫᑎᒃᓴᐅᓪᓗᑎᒃ ᐃᖅᑲᓇᐃᔭᖅᑎᓄᑦ, ᐃᖅᑲᓇᐃᔭᕐᕕᐅᔪᓄᑦ, ᐊᒻᒪ ᐃᓗᐊᖅᓴᐃᔨᓄᑦ ᖃᐅᔨᓇᓱᒍᓐᓇᖅᑎᖦᖢᒋᑦ ᑮᓇᐅᔭᑎᒍᑦ ᐱᓇᔪᒃᑕᐅᔪᓐᓇᖅᑐᓂᒃ ᐃᖅᑲᓇᐃᔭᕐᕕᖕᒥ ᐋᓐᓂᖅᑐᖃᕌᖓᑦ. 

ᐃᑲᔪᖅᑕᐅᔭᕆᐊᖃᕈᔅᓯ ᑮᓇᐅᔭᑎᒍᑦ ᐱᓇᔪᒃᑕᐅᔪᑦ ᐱᓕᕆᐊᖑᓂᐊᖅᑎᓪᓗᒋᑦ, ᐅᑯᓄᖓ ᖃᐅᔨᒋᐊᖃᑦᑕᕐᓂᐊᖅᐳᓯ:

ᑮᓇᐅᔭᑎᒍᑦ ᐱᓇᔪᒃᑐᓄᑦ ᐱᔨᑦᑎᕋᖅᑎᑦ ᐅᑯᓇᓂ ᐅᖄᓚᐅᑎᓂᒃ: (ᓄᓇᑦᓯᐊᖅ) 867-920-3801 ᐅᕝᕙᓘᓐᓃᑦ (ᓄᓇᕗᑦ) 867-979-8511