ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᐸᒃᓯᒪᓗᑎᒃ ᐱᔨᑦᑎᕋᕐᓂᕐᒧᑦ ᐊᒃᑐᖅᑕᐅᔪᓐᓇᖅᐳᖅ ᓄᓇᓕᖕᓂ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑎᓕᐅᕈᑕᐅᔪᓄᑦ. ᐅᐸᒃᓯᒪᓗᓂ ᐱᔨᑦᑎᕋᕐᓂᐅᔪᑦ ᐊᑐᐃᓐᓇᐅᑎᓪᓗᒋᑦ, ᐱᔨᑦᑎᕋᖅᑕᐅᕙᒃᑐᑦ ᐊᔭᐅᕆᔭᐅᕗᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ.
ᑎᑎᕋᕐᕕᕗᑦ ᒪᑐᐃᖓᖃᑦᑕᖅᑐᖅ ᓇᒡᒐᔭᐅᒥ ᐅᓪᓗᑐᐃᓐᓇᕐᒧᑦ, ᓄᓇᓖᑦ ᖃᐅᔨᓴᐅᑎᖓᒍᑦ:
- ᔭᓗᓇᐃᕝ - 8:30 ᐅᓪᓛᒃᑯᑦ – 4:00 ᐅᓐᓄᓴᒃᑯᑦ (ᒪᑐᓯᒪᓪᓗᓂ 12:00-ᒥ 1:00-ᒧ ᐅᓐᓄᓴᒃᑯ);
- ᐃᖃᓗᐃᑦ - 8:30 ᐅᓪᓛᒃᑯᑦ – 4:30 ᐅᓐᓄᓴᒃᑯᑦ (ᒪᑐᓯᒪᓪᓗᓂ 12:00-ᒥ 1:00-ᒧ ᐅᓐᓄᓴᒃᑯ);
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᐱᓕᕆᖃᖅᑐᑦ ᐱᓕᕆᖃᑎᑦᑎᓐᓂᒃ ᑲᔪᓯᓇᓱᒃᖢᑕ ᐃᖅᑲᓇᐃᔭᖅᑎᓄᑦ ᐱᔭᐅᔭᕆᐊᓕᖕᓄᑦ, ᐃᖅᑲᓇᐃᔭᖅᑎᑦᑎᔨᓄᑦ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᓄᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ.
- ᑐᓴᒐᒃᓴᖅ ᐃᖅᑲᓇᐃᔭᖅᑎᑦᑎᔨᓄᑦ
- ᐃᖅᑲᓇᐃᔭᖅᑎᓄᑦ ᑐᓴᒐᒃᓴᑦ
- ᑐᓴᒐᒃᓴᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᖁᑎᖃᖅᑎᑦᑎᔨᓂᒃ ᐊᒻᒪ ᓂᐅᕕᐊᒃᓴᓕᖕᓂᒃ
- ᓄᕙᒡᔪᐊᕐᓇᖅ-19-ᒧᑦ ᐃᑲᔫᑎᐅᔪᓐᓇᖅᑐᑦ
ᐊᐱᕆᕗᒍᑦ ᑕᒪᒃᑭᓂ ᐃᖅᑲᓇᐃᔭᖅᑎᖁᑎᓕᖕᓂ ᐊᒻᒪ ᓴᓇᔨᓂ ᒪᓕᑦᑎᐊᕐᓂᖏᓐᓂ ᒪᓕᒋᐊᖃᖅᑎᑕᐅᔪᓂ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔪᓐᓇᖅᑎᑕᐅᔪᓂ ᐊᕕᒃᑐᖅᓯᒪᔪᓄᑦ ᐊᒻᒪ ᓄᓇᓕᖕᓄᑦ, ᐊᒻᒪᓗᑦᑕᐅᖅ ᑲᓇᑕᒥ ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᒪᓕᒋᐊᖃᖅᑐᓂ. ᐃᓱᒪᓕᐅᕆᓗᓯ ᒪᓕᒃᑐᓂᒃ ᑭᖑᓕᖅᐹᓂᒃ ᑐᓴᒐᒃᓴᓂᒃ ᐊᒃᑐᐊᔪᓂᒃ ᖃᐅᓗᔨᓴᕐᓂᕐᒧᑦ, ᐋᓐᓂᐊᓕᕇᒃᑯᓯᖅᓯᓂᐅᔪᓄᑦ, ᐊᐃᑦᑐᖅᓯᑦᑕᐃᓕᓂᕐᒧᑦ ᖃᓄᐃᓕᐅᕈᑎᒃᓴᓂᒃ, ᐱᓕᕆᐊᖑᔪᑦ ᒪᑐᔭᐅᔭᕆᐊᖃᕐᓂᖓᓂᒃ, ᐊᑐᒻᒪᕆᒃᑐᑦ ᐱᔨᑦᑎᕋᐅᑎᓂᒃ, ᐃᓄᑑᔪᒦᑦᑕᕆᐊᖃᕐᓂᕐᒥᒃ, ᐃᓅᖃᑎᒥᑦ ᐅᖓᓯᒃᓴᕆᐊᖃᕐᓂᕐᒥᒃ ᐊᒻᒪ ᐊᐅᓪᓚᑲᑕᖕᓂᕐᒥᒃ.
- ᓄᓇᑦᓯᐊᕐᒥ ᒐᕙᒪᒃᑯᑦ: ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐃᓄᓕᕆᔨᒃᑯᑦ
- ᓄᓇᕗᒻᒥ ᒐᕙᒪᒃᑯᑦ: ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
- ᑲᓇᑕᒥ ᒐᕙᒪᒃᑯᑦ: ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔩᑦ ᑲᓇᑕᒥ
ᑐᓴᒐᒃᓴᖅ ᐃᖅᑲᓇᐃᔭᖅᑎᑦᑎᔨᓄᑦ
ᐃᖅᑲᓇᐃᔭᖅᑎᑦᑎᔨᐅᔪᑦ ᑕᒪᕐᒥᒃ ᑲᒪᒋᔭᖃᖅᑐᑦ ᐃᖅᑲᓇᐃᔭᕐᕕᐅᔪᑦ ᐋᓐᓂᐊᖃᕐᓇᙱᓪᓗᑎᒃ ᐊᒻᒪ ᐅᓗᕆᐊᓇᙱᓪᓗᑎᒃ ᐅᕘᓇ ᓄᓇᕗᒻᒥ ᐊᒻᒪᓗ ᓄᓇᑦᓯᐊᕐᒥ ᐊᑦᑕᓇᔾᔭᐃᖅᓯᒪᓂᖅ ᒪᓕᒐᖅ(ᑦ) ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᒪᓕᒃᑕᐅᔭᕆᐊᓖᑦ. ᑲᒪᒋᔭᖃᕐᓂᖅ ᑕᐃᒪᓐᓇ ᐊᓯᔾᔨᙱᑦᑐᖅ.
ᐅᕘᓇ ᐃᓚᖓ 88−ᒥ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒃᑕᐅᔭᕆᐊᓕᖕᓂᑦ, ᐃᖅᑲᓇᐃᔭᖅᑎᖁᑎᓖᑦ ᓴᖅᑭᔮᕐᕕᐅᓂᕐᒥᑦ ᐊᐅᓚᑦᑎᓂᕐᒧᑦ ᐸᕐᓇᒍᑎᖃᕆᐊᖃᖅᐳᑦ. ᐅᓇ ᓇᓗᓇᐃᖅᓯᓂᐊᖅᐳᖅ ᐱᔭᕆᐊᓕᖕᓂ ᐅᔾᔨᖅᓱᕐᓂᖃᕆᐊᓕᖕᓂ ᐃᖅᑲᓇᐃᔭᖅᑎᖁᑎᓕᒃ ᒪᓕᒋᐊᖃᕐᓂᖓᓂ ᒥᒃᖠᒋᐊᖅᑎᑦᑎᓂᕐᒧᑦ ᐊᐃᑦᑐᕐᓯᑦᑕᐃᓕᑎᑦᑎᓂᕐᒥᒃ ᓄᕙᒡᔪᐊᕐᓇᖅ-19-ᒥ ᐊᐃᑦᑐᐃᓂᐅᔪᒥ ᐊᒻᒪ ᓴᓇᔨᐅᔪᓂ, ᓂᐅᕕᖅᐸᒃᑐᓂ ᐊᒻᒪ ᐱᓕᕆᔾᔪᔾᔭᐅᕙᒃᑐᓂ ᐊᑦᑕᓇᙱᑦᑐᒦᑎᑦᑎᓂᕐᒧᑦ.
ᓇᕿᓪᓗᒍ ᐅᕘᓇ ᐃᖅᑲᓇᐃᔭᖅᑎᖁᑎᓕᖕᓄᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒋᐊᓕᖏᓐᓂ ᒪᑐᐃᖅᓯᒃᑲᓐᓂᕐᓂᕐᒧᑦ ᐊᒻᒪ ᐃᑲᔪᕈᑎᒃᓴᐃᑦ ᐃᑲᔪᕐᓂᕐᒧᑦ ᓄᕙᒡᔪᐊᕐᓇᖅ-19−ᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐸᕐᓇᐃᓂᕐᒥ.
ᐃᖅᑲᓇᐃᔭᖅᑎᖁᑎᓕᑦ ᐅᓂᒃᑳᓕᐊᖓ ᖃᓄᐃᓐᓂᐅᔪᓄᑦ – ᐃᖅᑲᓇᐃᔭᖅᑎᖁᑎᓕᑦ ᒫᓐᓇᐅᔪᒥ ᐅᓂᒃᑳᕆᓪᓗᐊᖅᐳᑦ ᑕᒪᒃᑭᓂ ᐃᖅᑲᓇᐃᔭᕐᕕᖕᒥ ᖃᓄᐃᓐᓂᐅᔪᓂ, ᐋᓐᓂᕐᓂᐅᔪᓂᑦ, ᐅᕝᕙᓘᓐᓃᑦ ᐅᓗᕆᐊᓇᖅᑐᓂ ᖃᓄᐃᓐᓂᐅᔪᓂᑦ ᖃᕋᓴᐅᔭᑎᒍᑦ ᐅᕘᓇ ᖃᕋᓴᐅᔭᑎᒍᑦ−ᓇᖕᒥᓂᖃᕐᓂᕐᒧᑦ ᐱᔨᑦᑎᕋᐅᑎᓕᕆᓂᖅ, WSCC Connect.
ᐃᖅᑲᓇᐃᔭᖅᑎᐅᑉ ᐊᑭᓕᕐᓱᐃᒍᑎᖏᓐᓂᒃ ᖃᐅᔨᓴᕐᓂᖅ – ᐃᖅᑲᓇᐃᔭᖅᑎᐅᑉ ᐊᑭᓕᕐᓱᒐᒃᓴᖏᑦ ᐅᕘᓈᖅᑎᑕᐅᔪᓐᓇᖅᑐᑦ WSCC Connect. ᖃᕋᓴᐅᔭᒃᑯᑦ ᑐᑭᒧᐊᕈᑎᓂᒃ ᑕᑯᔪᓐᓇᖅᑐᓯ ᐅᕘᓇ WSCC Connect ᐃᑲᔪᕐᕕᒃᑯᑦ. ᐃᑲᔪᖅᑕᐅᒃᑲᓐᓂᕈᒪᒍᕕᑦ, ᑎᑎᕋᕐᕕᒋᓗᒋᑦ ᖃᕋᓴᐅᔭᒃᑯᑦ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᐅᑎᓕᕆᔨᓄᑦ.
ᐊᓯᙳᖅᑎᑕᐅᔪᑦ ᖃᐅᔨᓴᕈᑎᓄᑦ ᐊᑭᓕᐅᑎᓄᑦ ᐱᔭᐅᓯᒪᔭᕆᐊᖃᕐᕖᑦ (ᐱᒋᐊᕐᓗᑎᒃ 2022-ᒥ). ᐊᕕᒃᑐᖅᓯᒪᓂᐅᔪᓂ ᓇᓕᒧᑦᑐᓂ ᐊᑭᓖᖃᑦᑕᕈᕕᑦ ᐊᒻᒪᓗ ᐊᑭᓖᕙᒡᓗᑎᑦ ᐊᖏᖅᑕᐅᓯᒪᕙᒌᖅᑐᒥ ᐊᑭᓕᒃᓴᓂᒍᒻᒪᐅᑎᒧᑦ ᐊᐅᒃᑕᔫᒧᑦ ᐅᕝᕙᓘᓐᓃᑦ ᑭᖑᓂᐊᒍᑦ−ᐅᓪᓗᓕᖅᓯᒪᔪᓂ ᓯᒃᑭᓂ, ᕿᒥᕐᕈᒍᒃ ᐊᑭᓖᓪᔪᑎᖕᓂ ᐱᓕᕆᔾᔪᓯᖓᓐᓂ ᓇᓗᓇᐃᖅᓯᓂᕐᒧᑦ ᒫᓐᓇᒨᒐᓗᐊᖅᓯᒪᓂᖓᓂ. ᐊᑭᓖᓂᐅᔪᑦ ᐅᕘᓈᖅᑎᑕᐅᔪᓐᓇᖅᑐᑦ WSCC Connect.
ᖃᐅᔨᓴᐃᓂᕐᒧᑦ ᐊᑭᓕᐅᑎᑦ ᐊᑭᓕᕐᕕᒃᓴᖓᑦ ᐱᒋᐊᕐᓂᐊᖅᑐᒥ 2022−ᒥ:
- ᒫᔾᔨ 31 (ᓯᕗᓂᐊᓂ ᐊᐃᕐᕆᓕ 1)
- ᒪᐃ 31 (ᓯᕗᓂᐊᓂ ᔫᓂ 1)
- ᔪᓚᐃ 31 (ᓯᕗᓂᐊᓂ ᐋᒡᒌᓯ 1)
- ᓯᑎᐱᕆ 30 (ᓯᕗᓂᐊᓂ ᐅᑐᐱᕆ 1)
ᖃᐅᔨᓴᕈᑎᓄᑦ ᐊᑭᓕᐅᑎᑦ – ᐊᑭᓕᑲᐅᑎᒋᔪᓐᓇᕐᓂᖅ ᐊᐅᒃᑕᔫᒥ ᐊᑐᕐᓗᓂ. ᓄᑖᙳᕆᐊᖅᑎᑦᑎᔪᓐᓇᖅᐳᑎᑦ ᐊᑭᓕᒃᓴᓂᒍᒻᒪᐅᑎᒧᑦ ᐊᐅᒃᑕᔫᒧᑦ ᑐᑭᓯᒋᐊᕈᑎᒃᓴᓂ ᐅᕙᓂ WSCC Connect, ᐃᓚᖃᕐᓗᓂ ᐋᖅᑭᒋᐊᖅᓯᓂᐅᔪᒥ ᐊᑭᓖᑲᐅᑎᒍᔪᓐᓇᕐᓂᐅᔪᒥ. ᒪᓕᒐᖅᑎᒍᑦ ᐊᑭᓕᒃᓴᖅᑖᕐᓇᖅᑐᖅ 2%-ᒥ ᐃᓚᒋᐊᕐᓯᒪᓗᓂ ᑕᖅᑭᑕᒫᑦ ᑭᖑᕙᖅᓯᒪᔪᓄᑦ ᐊᑭᓕᒃᓴᓄᑦ.
ᖃᓄᕐᓕ ᐊᓯᙳᖅᑎᑦᑐᓐᓇᖅᐸᕋ ᐊᑭᓕᕐᓱᖅᑕᐅᕙᓪᓕᐊᔪᓅᕋᔭᙳᐊᖅᑐᓂᒃ? – ᐊᑭᓕᕐᓱᖅᑕᐅᒍᑎᒃᓴᐅᓇᔭᖅᑐᑦ ᐃᓱᒪᒋᔭᐅᔪᑦ ᑐᓂᔭᐅᔪᓐᓇᖅᑐ ᐊᓯᙳᖅᑕᐅᔪᓪᓘᓐᓃᑦ ᐅᑯᑎᒎᓇᖅ WSCC Connect. ᖃᕋᓴᐅᔭᒃᑯᑦ ᑐᑭᒧᐊᕈᑎᓂᒃ ᑕᑯᔪᓐᓇᖅᑐᓯ ᐅᕘᓇ WSCC Connect ᐃᑲᔪᕐᕕᒃᑯᑦ. ᐃᑲᔪᖅᑕᐅᒃᑲᓐᓂᕈᒪᒍᕕᑦ, ᑎᑎᕋᕐᕕᒋᓗᒋᑦ ᖃᕋᓴᐅᔭᒃᑯᑦ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᐅᑎᓕᕆᔨᓄᑦ.
ᐃᖅᑲᓇᐃᔭᖅᑎᓄᑦ ᑐᓴᒐᒃᓴᑦ
ᐅᓂᒃᑳᓕᐅᕐᓂᖅ ᖁᐊᕐᓵᕐᓇᖅᑐᓂᒃ ᐃᖅᑲᓇᐃᔮᓂᒃ – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᑭᐅᕙᒃᑐᑦ ᑕᒪᐃᓐᓂ ᐅᓂᒃᑳᓕᐊᓂᒃ ᖁᐊᕐᓵᕐᓇᖅᑐᓂᒃ ᐃᖅᑲᓇᐃᔮᓂᒃ; ᑭᓯᐊᓂᓕ, ᐃᒪᓐᓇ ᐅᓂᒃᑳᓯ ᐅᕘᓈᖅᑎᑉᐸᒡᓗᒋᑦ WSCC Connect. ᖁᐊᕐᓵᕐᓇᓪᓚᕆᒃᑐᒥ ᐅᓂᒃᑳᓕᐅᕐᑐᖃᖅᐸᑦ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᖃᐅᔨᓇᓱᒐᔭᖅᑐᑦ ᖁᐊᕐᓵᕐᓇᕐᓂᖓᓂᒃ ᐊᒻᒪ ᖃᐅᔨᓴᖅᑎᒥ ᐅᐸᒃᑕᐅᔭᕆᐊᖃᕐᒪᖔᑦ ᐅᕝᕙᓘᓐᓃᑦ ᐊᓯᐊᒍᖔᖓᔪᓐᓇᕈᑎ ᐅᖓᓯᒃᑐᒥ ᐃᑲᔪᕈᓐᓇᕋᔭᖅᖢᑕ.
ᑮᓇᐅᔭᖅᑖᕋᓱᖕᓂᖅ ᐊᒃᑐᐊᔪᓄᑦ ᓄᕙᒡᔪᐊᕐᓇᖅ-19-ᒧᑦ – ᐋᓐᓂᐊᕈᑎᐅᕙᒃᑐᑦ ᐊᐃᑦᑐᕐᓯᒍᑎᐅᔭᑦᑐ ᒪᑯᐊ ᖃᐅᑕᒫᑦ ᖃᓄᐃᓕᐅᕐᐸᓪᓕᐊᓂᕐᒨᖓᔪᑦ ᐊᒻᒪᓗ ᐃᓄᖕᓂᒃ ᖃᓂᒋᔭᖃᖃᑦᑕᕐᓂᕐᒧᑦ, ᑭᓯᐊᓂᓕ ᓄᕙᒡᔪᐊᕐᓇᖅ 19-ᒥᑦ ᐊᐃᑦᑐᖅᑕᐅᓯᒪᓇᓱᒋᒍᕕᑦ ᐃᖅᑲᓇᐃᔭᕐᕕᖕᓄᑦ ᐅᕗᖓ ᐅᖄᓚᓗᑎ 1-800-661-0792 ᐅᕝᕙᓘᓐᓃᑦ ᖃᕋᓴᐅᔭᒃᑯ ᑎᑎᕋᕐᓗᓯ ᑮᓇᐅᔭᖅᑖᕋᓱᒡᕕᑦᑎᓐᓄᑦ ᐃᓚᖃᕐᓗᒍ ᐱᐊᓂᒃᓯᒪᔪᓂᒃ ᐃᖅᑲᓇᐃᔭᖅᑎᐅᑉ ᐃᖅᑲᓇᐃᔭᕐᕕᖕᒥᑦ ᐋᓐᓂᕐᓂᑯᒧᑦ ᐅᓂᒃᑳᓂᒃ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᐃᓱᒪᓕᐅᕆᓇᔭᕐᑐᑦ ᖃᓄᖅ ᑮᓇᐅᔭᖅᑖᕋᓲᑎ ᐊᒃᑐᐊᖕᒪᖔᑦ ᐃᖅᑲᓇᐃᔮᒧᑦ, ᑕᐃᒪᐃᒃᑯᓂ, ᖃᓄᐃᑦᑐᓂᒃ ᑮᓇᐅᔭᖅᑖᖅᑎᑕᐅᖃᑦᑕᕋᔭᕐᒪᖔᑦ ᖃᓄᐃᓕᒍᑎ ᒪᓕᒡᓗᒍ.
ᑐᓴᒐᒃᓴᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᖁᑎᖃᖅᑎᑦᑎᔨᓂᒃ ᐊᒻᒪ ᓂᐅᕕᐊᒃᓴᓕᖕᓂᒃ
ᖃᕋᓴᐅᔭᒃᑯᑦ ᐊᑭᓕᐅᑎᒃᓴᑦ – ᑭᖑᕙᖁᓇᒋ ᑮᓇᐅᔭᖅᑖᕆᒐᔭᖅᑕᑎᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᑖᕐᕕᐅᕙᒃᑐᓂᒃ ᖃᕋᓴᐅᔭᒃᑯ ᑮᓇᐅᔭᓂᒃ ᓇᒡᓯᐅᔾᔨᒍᑎᓂ ᐊᑐᖁᔨᓪᓗᑎᒃ ᒪᑯᓂᖓ ᐃᕐᖐᕐᓇᕈᑎ ᑮᓇᐅᔭᓂᑦ ᑐᔪᐃᔾᔪᑎ (EFT) ᐊᔪᙱᒃᑯᑎᒃ. ᐃᕐᖐᕐᓇᕈᑎ ᑮᓇᐅᔭᓂᑦ ᑐᔪᐃᔾᔪᑎ (EFT) ᐱᕕᖃᕈᑎᐅᔪᓐᓇᖅᑐᖅ ᑭᖑᕙᕐᓯᒪᙱᑦᑐᓂᒃ ᑮᓇᐅᔭᒃᑯᕕᖕᒧᐊᑲᐅᑎᒋᓂᕐᒧᑦ ᐊᑭᓕᐅᑎᒃᓴᓂᒃ, ᐊᒻᒪᓗ ᐊᒃᑐᐃᒍᑎᖃᓐᓇᙱᓐᓂᕐᓴᐅᓪᓗᓂ. ᐅᕙᑦᑎᓐᓄ ᐅᖄᓚᓗᓯ ᐅᕗᖓ (867) 920-3888 ᖃᕋᓴᐅᔭᒃᑯᓪᓘᓐᓃᑦ ᑮᓇᐅᔭᓕᕆᔨᒃᑯᓐᓄᑦ ᑎᑎᕋᓗᓯ ᖃᕋᓴᐅᔭᒃᑯᑦ ᑮᓇᐅᔭᖅᑖᕈᑎᒃᓴᓂᒃ ᑕᑕᑎᕆᐊᓕᖕᓂᒃ. ᐅᓇᑦᑕᐅᖅ ᖃᕋᓴᐅᔭᒥᑦ ᓴᖅᑭᑎᑦᑐᓐᓇᖅᑕ ᖃᕋᓴᐅᔭᒃᑯᑦ ᑕᑕᑎᕆᐊᓕᒃ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᑐᓴᐅᒪᑎᑦᑎᖃᑦᑕᕐᓂᐊᖅᑐᑦ ᓄᑖᓂᒃ ᓴᖅᑭᑦᑐᖃᕌᖓᑦ. ᐊᐱᖅᑯᑎᒃᓴᖃᕈᔅᓯ ᐃᓱᒫᓘᑎᖃᕈᔅᓯᓘᓐᓃᑦ, ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᓄᓇᑦᓯᐊᕐᒥ ᐅᖄᓚᕕᒋᓗᒋᑦ ᐅᕗᖓ (867) 920-3888, ᐊᑭᖃᙱᑦᑐᒧᑦ (800) 661‑0792 ᐅᕝᕙᓘᓐᓃᑦ ᓄᓇᕗᒻᒥ (867) 979-8500, ᐊᑭᖃᙱᑦᑐᒧᑦ (877) 404-4407, 8:30-ᒥᑦ 5:00‑ᒧᑦ ᐅᓪᓗᒃᑯᑦ.