COVID-19 Update

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᔨᑦᑎᕋᐅᑎᖏᑦ ᐊᑐᐃᓐᓇᐅᔪᑦ ᓱᓕᒃ ᖃᕋᓴᐅᔭᒃᑯᑦ ᑎᑎᕋᕐᕕᐅᔪᓐᓇᖅᑐᑦ, ᐅᖄᓚᕝᕕᐅᔪᓐᓇᖅᑐᑦ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐅᕘᓇ WSCC Connect.  ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᑐᓴᖅᑎᑦᑎᓂᖅ ᐱᕋᔭᑦᑐᓂᑦ ᓄᓇᑦᓯᐊᒥ ᐊᒻᒪ ᓄᓇᕗᒻᒥ

ᐱᕋᔭᖕᓂᐅᕗᖅ ᑭᓇᑐᐃᓐᓇᖅ ᑐᓴᖅᑎᑦᑎᑦᑕᐃᓕᒪᒃᐸᑦ ᐅᕝᕙᓘᓐᓃᑦ ᓴᒡᓗᓗᓂ, ᐱᔪᓐᓇᖅᑕᒥᓂᒃ ᐱᓇᓱᖕᓂᕐᒧᑦ (WSCC)-ᑯᓐᓂᑦ ᐱᔪᓐᓇᕆᐊᖃᙱᑕᒥᓂᒃ. ᑕᒪᓐᓇ ᐱᖁᔭᒥᒃ ᓱᕋᐃᓂᐅᕗᖅ.

ᐃᓱᒪᒍᕕᑦ ᑭᓇᑐᐃᓐᓇᖅ ᑎᒡᓕᒐᕋᓱᒋᓗᒍ ᑮᓇᐅᔭᓂᒃ ᐊᒃᑐᐊᔪᑦ ᖃᓄᐃᑦᑐᖃᕐᓂᕐᓄᑦ ᑕᐃᑲᓂ ᓄᓇᑦᓯᐊᕐᒥ ᐅᕝᕙᓘᓐᓃᑦ ᓄᓇᕘᒥ, ᐅᕝᕙᓘᓐᓃᑦ ᐊᐱᖅᑯᑎᒃᓴᖃᕈᕕᑦ, ᐅᖄᓚᓗᑎᑦ ᑎᒡᓕᒐᖅᑐᓄᑦ ᑮᓇᐅᔭᓄᑦ ᐅᖃᐅᔾᔨᒋᐊᖅᑕᐅᔾᔪᑎᒧᑦ ᐅᖄᓚᕝᕕᐅᔪᓐᓇᖅᑐᖅ ᖃᖓᑐᐃᓐᓇᖅ 1-866-286-3338 (ᐊᑭᖃᙱᑦᑐᖅ). 

 

ᐆᒃᑐᕋᐅᑎᑐᐃᓐᓇᐃᑦ ᐊᔪᕆᖅᓲᔾᔨᓂᕐᒧᑦ ᐸᓴᓇᖅᑐᓕᕆᓃᑦ

ᐃᖅᑲᓇᐃᔭᖅᑎ ᐱᕋᔭᒃᑐᖅ

ᐃᖅᑲᓇᐃᔭᖅᑎᐅᔪᖅ ᐱᕋᔭᒐᓱᑐᐃᓐᓇᕆᐊᖃᖅᐳᖅ ᐅᑯᓂᖓ ᐊᑐᕈᓂ:

ᐊᖏᕐᕋᖅᓯᒪᓪᓗᓂ ᖃᓂᒪᙳᐊᑐᐃᓐᓇᖅᖢᓂᓗ ᐊᒻᒪᓗ ᐃᑲᔫᓯᐊᖅᐸᓪᓕᐊᓪᓗᓂ;

ᐃᑲᔫᓯᐊᖃᑦᑕᖅᖢᓂ ᐃᖅᑲᓇᐃᔭᖃᑦᑕᖅᖢᓂᓗ ᐊᑕᐅᑦᑎᒃᑯᑦ;

ᐃᖅᑲᓇᐃᔭᖅᑐᖅ “ᖃᐅᔨᒪᔭᐅᖏᑦᑐᒥᒃ” ᐃᑲᔫᓯᐊᖅᐸᓪᓕᐊᕙᒃᖢᓂᓗ;

ᐃᑲᔫᓯᐊᖃᑦᑕᕐᖢᓂ ᐃᖅᑲᓇᐃᔭᖏᑦᑐᖅᓯᐅᑎᑖᖅᐸᒃᖢᓂᓗ (EI)-ᓂᒃ; ᐅᕝᕙᓘᓐᓃᑦ

ᓱᓕᖏᑦᑐᓂᒃ ᐅᓂᒃᑲᐅᓯᖃᖅᖢᓂ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᐊᒻᒪᓗ (WSCC)-ᑯᓐᓄᑦ.

 

ᐃᖅᑲᓇᐃᔭᖅᑎᑦᑎᔩᑦ ᐱᕋᔭᒃᑐᖅ

ᐃᖅᑲᓇᐃᔭᖅᑎᑦᑎᔨ ᐱᕋᔭᒐᓱᑐᐃᓐᓇᕆᐊᖃᖅᐳᖅ ᐅᑯᓂᖓ ᐊᑐᕈᓂ:

ᐊᑭᓕᖅᓱᐃᓗᓂ ᐃᖅᑲᓇᐃᔭᖅᑎᓂᒃ “ᖃᐅᔨᒪᔭᐅᖏᑦᑐᒥᒃ”;

ᐃᓂᖅᑎᕆᒃᐸᑦ ᐃᖅᑲᓇᐃᔭᖅᑎᒥᒃ ᐃᑲᔫᓯᐊᕆᔪᓐᓇᖅᑕᕋᓗᐊᖏᓐᓂᒃ ᐱᓇᓱᖁᔨᖏᓪᓗᓂ;

ᐊᓂᑦᑎᓗᓂ ᐃᖅᑲᓇᐃᔭᖅᑎᒥᒃ ᐃᑲᔫᓯᐊᕆᔪᓐᓇᖅᑕᒥᓂᒃ ᐱᓇᓱᑐᐃᓐᓇᖅᑎᓪᓗᒍ; ᐅᕝᕙᓘᓐᓃᑦ

ᐲᔭᐃᑎᑦᑎᓗᓂ (WSCC)-ᑯᓐᓄᑦ ᐃᓛᒃᑯᑦ ᐊᑭᓕᒃᑲᓐᓂᕆᐊᓕᖕᓂᒃ ᐃᖅᑲᓇᐃᔭᖅᑎᐅᑉ ᑮᓇᐅᔭᓕᐊᖏᓐᓂᑦ.

 

ᐋᓐᓂᐊᓯᐅᖅᑎ ᐱᕋᔭᒃᑐᖅ

ᐋᓐᓂᐊᓯᐅᖅᑎᐅᔪᑦ ᐱᕋᔭᒐᓱᑐᐃᓐᓇᕆᐊᖃᖅᐳᑦ ᐅᑯᓂᖓ ᐊᑐᖅᐸᑕ:

ᑐᓂᓯᒃᐸᑦ ᐃᖅᑲᓇᐃᔭᖅᑎᒧᑦ ᐃᓅᓕᓴᐅᑎᑖᕈᑎᒃᓴᒥᒃ ᑐᒃᓯᕋᕐᕕᐅᑐᐊᕈᓂ;

ᕿᑲᖅᑎᑦᑎᒃᑲᓐᓂᑐᐊᕈᓂ ᕿᑲᕐᕕᖕᒥᓂᒃ ᐃᓱᓕᑦᑎᓯᒪᔪᒥᒃ;

ᑲᒪᒋᔭᐅᑎᑦᑎᓗᓂ ᑲᒪᒋᔭᐅᓪᓗᐊᖏᑦᑐᒥᒃ, ᐊᑐᖁᔨᓗᓂᓗ ᐊᑐᖅᑕᐅᖁᔭᒥᓂᒃ, ᐅᕝᕙᓘᓐᓃᑦ ᐃᑲᔪᖅᑕᐅᑎᑦᑎᓗᓂ;

ᑲᒪᒋᖁᔭᐅᔭᕆᐊᖃᙱᑦᑎᐊᖅᑐᓂᒃ ᑲᒪᒋᔭᖃᖅᐸᑦ;

ᐊᑭᓕᒐᒃᓴᙳᖅᑎᑦᑎᒍᓂ ᐱᔨᑦᑎᕋᕐᓂᕐᒧᑦ ᐊᑐᖅᑕᐅᓚᐅᙱᑦᑐᓄᑦ; ᐅᕝᕙᓘᓐᓃᑦ

ᐊᑭᓕᒐᒃᓴᙳᖅᑎᑦᑎᒍᓂ ᐱᔨᑦᑎᕋᕐᓂᕆᔭᐅᓂᑯᓄᑦ ᐱᔪᒪᔭᐅᓚᐅᙱᑦᑑᒐᓗᐊᓄᑦ.

 

ᖃᓄᐃᓕᖓᓕᕋᔭᖅᐸ ᑭᓇᒥᑭᐊ ᐱᕋᔭᒃᑐᖃᖅᐸᑦ?

ᐱᕋᔭᒃᑐᖃᖅᐸᑦ ᓴᖅᑭᑎᑦᑎᓕᑐᐃᓐᓇᕆᐊᓕᒃ ᐱᕋᔭᒃᓯᒪᓂᕐᒧᑦ ᐃᖅᑲᖅᑐᒐᒃᓴᐅᓕᕐᓂᕐᒥᒃ. ᑭᓇᑐᐃᓐᓇᖅ ᑕᐃᒪᐃᓕᐅᖅᑐᖅ ᐃᒪᓐᓇᐃᓕᖓᓕᑐᐃᓐᓇᕆᐊᖃᖅᐳᖅ:

ᐱᕋᔭᒃᓯᒪᓂᕐᒧᑦ ᑎᑎᕋᖅᓯᒪᔪᖁᑎᑖᕐᓗᓂ;

ᓇᐅᑦᑎᖅᓱᖅᑕᐅᔭᕆᐊᖃᖅᑎᑕᐅᓕᕐᓗᓂ;

ᓄᓇᓕᖕᓂ ᐱᔨᑦᑎᕋᖅᑎᑕᐅᓕᕐᓗᓂ ᐊᑭᓕᖅᓱᖅᑕᐅᙱᓪᓗᓂ;

ᐊᑭᓖᔭᕆᐊᖃᖅᑎᑕᐅᓕᕐᓗᓂ ᑮᓇᐅᔭᓂᒃ WSCC−ᑯᓐᓄᑦ; ᐊᒻᒪᓗ/ᐅᕝᕙᓘᓐᓃᑦ

ᐃᖅᑲᓇᐃᔮᒥᓂᒃ ᐊᓯᐅᔨᓗᓂ.

 

 

Submit an Anonymous Tip
Information of Person/Company Suspected
May the WSCC contact you for further information? (If yes, please provide the information below)
 
 
ᐊᑭᓕᖅᑕᐅᓇᔭᖅᐳᖔ ᐅᖃᐅᓯᖃᕈᒫ?

ᐋᒃᑲ. ᐊᑭᓕᖅᑕᐅᓇᔭᙱᓚᑎᑦ ᐱᑎᑦᑎᒍᕕᑦ WSCC−ᑯᓐᓂᒃ ᑐᓴᖅᑕᐅᔪᒃᓴᓂᒃ ᐱᕋᔭᒃᑐᖃᕋᓱᒋᓐᓈᓂᕐᓂᒃ.

WSCC−ᑯᑦ ᐅᕙᓪᓂᒃ ᑐᓴᖅᑎᑦᑎᓇᔭᖅᐹᑦ ᖃᐅᔨᓴᕐᓂᕐᒧᑦ ᖃᐅᔨᒪᔭᐅᓕᖅᑐᓅᑦ?

ᐋᒃᑲ. ᖃᐅᔨᔭᐅᔭᕆᐊᖃᙱᑦᑐᓄᑦ ᐱᖁᔭᐃᑦ ᐊᔪᖅᑎᑦᑎᕗᑦ WSCC−ᑯᓐᓂᒃ ᓴᖅᑭᑎᑦᑎᔭᕆᐊᒃᓴᖅ ᑭᐊᑐᐃᓐᓇᐅᑉ ᑎᑎᖅᑲᖁᑎᖏᑕ ᐃᓗᓕᖏᓐᓂᒃ ᐃᓄᖕᒧᑦ ᐊᓯᒧᑦ.

ᑭᓲᕙ ᐊᑐᖅᑎᑕᐅᓕᕋᔭᖅᑐᖅ ᐱᕋᔭᒃᑐᖃᖅᐸᑦ?

ᑕᐅᑐᒃᖢᒋᑦ ᖃᔅᓯᐅᓂᕆᔭᖏᑦ  ᑮᓇᐅᔭᐃᑦ ᐱᕋᔭᒍᑕᐅᓚᐅᖅᑐᑦ, ᐃᓄᒃ ᐱᑎᑕᐅᔪᓐᓇᖅᐳᖅ 5−ᓂᑦ 14−ᓄᑦ ᐊᕐᕌᒍᓄᑦ ᐊᓄᓪᓚᒃᓰᕕᖕᒦᑎᑕᐅᓪᓗᓂ.

WSCC−ᑯᑦ ᐱᓯᒪᓂᐊᖅᐹᑦ ᐊᑐᕐᓗᑎᒡᓗ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᓃᒃ ᑐᕌᕈᑎᓐᓃᒃ?

ᐋᒃᑲ. ᓇᒃᓯᐅᔾᔨᒍᕕᑦ ᐅᖃᐅᓯᖃᕐᓂᕐᒥᒃ ᐊᑐᕐᓗᑎᑦ ᐅᖃᐅᓯᖃᕈᑎᒥᒃ ᐱᕋᔭᒃᑐᖃᕐᓂᖓᓄᑦ ᖃᕆᑕᐅᔭᒃᑯᑦ ᐊᑐᖅᑕᐅᕙᒃᑐᒥᒃ, ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᔾᔪᑏᑦ ᖃᐅᔨᔭᐅᔾᔮᙱᑦᑐᖅ.