ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᔭᓗᓇᐃᒥ ᐊᒻᒪ ᐃᓄᕕᒃᒥᑦ ᑎᑎᕋᕐᕕᖏᑦ ᒪᑐᐃᖓᓕᕐᑐᑦ ᑭᒃᑯᓕᒫᓄᑦ. ᑎᑎᕋᕐᕕᒃᐳᑦ ᐃᖃᓗᖕᓂ ᒫᓐᓇ ᒪᑐᓯᒪᖕᒪᑦ ᑭᒃᑯᓕᒫᓄᑦ ᐊᒻᒪᓗ ᐃᖅᑲᓇᐃᔭᖅᑎᕗᑦ ᐃᖅᑲᓇᐃᔭᖅᖢᑎᒃ ᐊᖏᕐᕋᖏᓐᓂᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒻᑯᒻᒫᓂᒃᓗ ᖃᐅᔨᓴᖅᑏ ᒥᒃᓵᓄᑦ

ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒻᑯᒻᒫᓂᒃᓗ ᖃᐅᔨᓴᖅᑏ ᒥᒃᓵᓄᑦ

ᓇᓪᓕᐊᒃᑯᒫᓕᕆᔨᒃᑯᑦ ᒐᕙᒪᒃᑯᓐᓄᑦ ᑐᑦᑕᕐᕕᒋᔭᐅᕗᖅ ᑲᒪᒋᔭᖃᖅᓱᑎᒃ ᐊᐅᓚᑦᓯᓂᕐᒥᑦ ᐃᖅᑲᓇᐃᔭᖅᑎᓄᑦ ᐃᑲᔫᑎᓕᕆᓂᕐᒧᑦ ᐱᖁᔭᖅ, ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖅ, ᑳᖅᑕᔫᓕᕆᓂᕐᒧᑦ ᐱᖁᔭᖅ, ᐅᔭᕋᓐᓂᐊᕐᓂᕐᒥᑦ ᐋᓐᓂᐊᖃᕐᓇᖏᑦᑐᓕᕆᓂᖅ ᐊᑦᑕᓇᖅᑕᐃᓕᒪᓂᕐᒧᓪᓗ ᐱᖁᔭᖅ.

ᑲᑎᑦᓱᑎᒃ, ᑲᑐᔾᔨᖃᑎᕗᓪᓗ, WSCC ᐊᑐᐃᓐᓇᐅᑎᑦᓯᔪᑦ ᐱᔨᑦᓯᕋᕐᓂᕐᒥᑦ 40,000−ᓂ ᐃᖅᑲᓇᐃᔭᖅᑎᓂᑦ ᐊᒻᒪᓗ 4,000-ᓂ ᐃᖅᑲᓇᐃᔭᖅᑎᑦᓯᔨᓂᑦ ᓄᓇᑦᓯᐊᕐᒥᑦ ᓄᓇᕘᒥᓪᓗ, ᐱᓕᕆᐊᕆᔭᖃᖃᑦᑕᖅᑐᑦ ᐅᖓᑖᓄᑦ 3,000−ᓂ ᐊᑭᓕᕆᐊᖃᖅᑐᓂᑦ ᐊᕐᕌᒍᑕᒫᑦ, ᑲᒪᒋᔭᖃᖃᑦᑕᖅᓱᑎᓪᓗ ᐅᖓᑖᓄᑦ 1,000-ᓂ ᖃᐅᔨᓴᕐᓂᕐᓂᑦ ᓇᓗᓇᐃᖅᓯᓂᕐᒥᑦ ᐊᑦᑕᓇᖅᑕᐃᓕᒪᓂᕐᒧᑦ ᐅᑭᐅᖅᑕᖅᑐᒥᑦ ᐃᖅᑲᓇᐃᔭᕐᕕᓐᓂᑦ. WSCC ᐊᔾᔨᐅᖏᑦᑐᖅ ᑲᓇᑕᒥ, ᐃᖅᑲᓇᐃᔭᖅᑎᓄᑦ ᐃᑲᔫᑎᓕᕆᕐᒨᖓᔪᑑᒻᒪᑦ ᑲᑐᔾᔨᖃᑎᒌᑦ ᑲᓇᑕᒥ ᐃᑲᔫᑎᓕᕆᓂᐊᖅᑎᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑕᐅᓯᑐᐃᓐᓇᖏᑦᑐᒥᑦ ᐊᕕᑦᑐᖅᓯᒪᔪᓂᑦ ᐅᑭᐅᖅᑕᖅᑐᒥᓪᓘᓐᓃᑦ.