ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐅᑭᐅᑕᖅᑐᒥ ᐅᔭᕋᓐᓂᐊᕐᕖᑦ ᐊᑭᑦᑐᕋᐅᑎᓂᐊᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᕐᕌᒍᑕᒫᑦ ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓂᕆᓂᕐᒧᑦ ᐊᑭᑦᑐᕋᐅᑎᓂᖓ

ᒪᐃ 23 / 2018

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐅᑭᐅᑕᖅᑐᒥ ᐅᔭᕋᓐᓂᐊᕐᕖᑦ ᐊᑭᑦᑐᕋᐅᑎᓂᐊᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᕐᕌᒍᑕᒫᑦ ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓂᕆᓂᕐᒧᑦ ᐊᑭᑦᑐᕋᐅᑎᓂᖓ

ᔨᐊᓗᓇᐃᕝ, ᓄᓇᑦᓯᐊᖅ (ᒪᐃ 18, 2018) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓄᓇᑦᓯᐊᒥ ᐊᒻᒪ ᓄᓇᕗᒻᒥ ᖃᐃᖅᑯᔨᔪᑦ ᐅᑭᐅᑕᖅᑐᒥᐅᑕᓂᑦ ᑕᑯᓐᓇᕐᓗᑎ ᖃᓄᐃᓘᖅᑕᐅᓂᐊᖅᑐᑦ 61−ᖓᓂ ᐊᕐᕌᒍᑕᒫᑦ ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓂᕆᓂᕐᒧᑦ ᐊᑭᑦᑐᕋᐅᑎᓂᖓ.

ᐊᕐᕌᒍᑕᒫᑦ ᐃᓄᓐᓄᑦ ᖃᓄᐃᓘᕐᓂᖃᓂᐊᖅᑐᑦ ᑕᒪᑐᒪᓂ ᐊᕐᕌᒍᒥ ᓯᕙᑖᕐᕕᒃ, ᔫᓂ 2. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᐃᖅᑯᔨᔪᑦ ᐃᓄᓐᓂᑦ ᖃᓄᐃᓘᖃᑕᐅᓗᑎ ᓯᕙᑖᕐᕕᒻᒥ ᔨᐊᓗᓇᐃᕝ ᐃᓪᓗᐃᑦ ᑲᑎᓐᖓᔪᑦ/ᐃᓪᓗᖅ ᓄᓇᓯᐅᑎᒃᑯᕕᖓᓂ ᐱᒋᐊᕐᓗᓂ 8:00 ᐅᓪᓛᒃᑯᑦ ᑎᑭᓪᓗᒍ 3:00 ᐅᓐᓄᓴᒃᑯᑦ. ᐊᑭᑦᑐᕋᐅᑎᓂᐅᔪᖅ ᒪᓕᓐᓂᖃᖅᑐᖅ ᓄᓇᑦᓯᐊᒥ ᐊᒻᒪ ᓄᓇᕗᒻᒥ ᐅᔭᕋᓐᓂᐊᖅᑎᓄᑦ ᐅᔭᕋᓐᓂᐊᖅᑎᐅᑉ ᐃᒐᓂᖏᓐᓄᑦ ᐱᒋᐊᕐᓗᓂ 12:00 ᐅᓐᓄᓂᓴᒃᑯᑦ ᑎᑭᓪᓗᒍ 3:00 ᐅᓐᓄᓴᒃᑯᑦ.

ᐱᐅᓛᖑᔪᖅ ᐅᑭᐅᑕᖅᑐᒥ ᐅᔭᕋᓐᓂᐊᓂᖅ ᑲᑎᖃᑎᒌᓐᓂᖓ ᐊᑕᐅᓯᐊᖅᑐᑎ ᐊᕐᕌᒍᒥ ᐊᑭᑦᑐᕋᐅᑎᔪᑦ ᖃᐅᔨᓴᖅᑐᑎ ᐊᔅᓱᕈᓐᓇᕐᓂᖏᓐᓄᑦ ᑕᒪᒃᑭᓐᓂ ᓄᓇᐅᑉ ᖄᖓᓂ ᐊᒻᒪ ᐃᑭᐊᓂ ᑐᐊᕕᕐᓇᖅᑐᓕᕆᓂᕐᒧᑦ ᐱᓕᒻᒪᓴᓂᕐᒥᑦ. ᐱᖃᓐᓇᕇᑦᑐᑎ ᐊᑭᑦᑐᕋᐅᑎᔪᑦ ᖃᐅᔨᓴᖅᑐᑎ ᐊᑑᑎᖃᑦᑎᐊᕐᓂᖏᑦ ᐅᔭᕋᓐᓂᐊᕕᒻᒥ ᐃᓕᓐᓂᐊᓂᕐᒧᑦ ᐱᓕᕆᐊᑦ, ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓂᕆᓂᕐᒧᑦ ᐊᑭᑦᑐᕋᐅᑎᓂᖓ ᐊᑐᓂ ᑕᐱᕇᑦᑐᓂᑦ ᐊᔪᕆᓐᓂᖃᖅᑐᑦ ᐱᓂᕐᓗᓐᓂᐅᔪᓂᑦ ᖃᓄᐃᓐᓂᐅᔪᓐᓇᖅᑐᓂᑦ. ᐊᑭᑦᑐᕋᐅᑎᓂᐅᔪᖅ ᑐᐊᕕᕐᓇᖅᑐᓕᕆᔨᓂᑦ ᑲᑎᒍᓐᓇᑎᑦᑎᔪᖅ ᐅᔭᕋᓐᓂᐊᓂᕐᒧᑦ ᖃᐅᔨᒪᑎᑕᕐᓂᑦ ᖃᐅᔨᒪᑎᑦᑎᓪᓗᑎ ᖃᓄᖅ ᐊᓯᖏᑦ ᑕᐱᕇᑦ ᐃᖅᑲᓇᐃᔭᖃᑎᒌᓐᓂᖏᓐᓄᑦ, ᖃᐅᔨᓴᖅᓯᓈᖅᑐᑎ ᓇᒻᒥᓂᖅ ᐊᔪᖏᓐᓂᕆᔭᖏᓐᓂᑦ. ᐱᕆᔭᐅᕙᑦᑐᓂᑦ ᐃᖅᑲᓇᐃᔭᕐᕕᐅᔪᖅ ᐊᑦᑕᓇᐃᖅᓯᒪᓂᖓ ᑐᓐᖓᓂᖃᕈᓐᓇᖅᑐᖅ ᐃᓅᓗᓂ ᐃᓅᒍᓐᓃᕐᓗᓂᓘᓐᓃᑦ, ᑖᒃᑯ ᐃᑲᔪᑐᐃᓐᓇᖅᑐᑦ ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓕᕆᔩᑦ ᐅᓪᓗᒥᐅᔪᒥᑦ ᐱᒃᑲᐅᓛᖑᔪᑦ.

ᑕᒪᑐᒪᓂ ᐊᕐᕌᒍᒥ, 8 ᑐᐊᕕᕐᓇᖅᑐᓕᕆᔩᑦ 8−ᓂ ᐅᔭᕋᓐᓂᐊᕕᓐᓂᑦ ᐊᑭᑦᑐᕋᐅᑎᓂᐊᖅᑐᑦ ᐊᑕᖐᔪᒥᑦ ᓄᓇᐅᑉ ᖄᖓᓂ ᐊᒻᒪ ᐊᑕᖐᔪᖅ ᓄᓇᐅᑉ ᐃᑭᖓᓂ ᐱᔾᔪᓯᐊᑦ: ᐹᕕᓐᓛᓐ ᐅᔭᕋᓐᓂᐊᕐᕕᒃ (ᐹᕕᓐᓛᓐ ᐅᔭᕋᓐᓂᐊᕐᕕᒃ ᑯᐊᐳᕇᓴᓐ); ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ (Rio Tinto Ltd., ᕇᐅ ᑎᓐᑐ ᑎᒥᖓᑦ); ᐃᑳᑎ ᑕᐃᒪᓐ ᐅᔭᕋᓐᓂᐊᕐᕕᒃ (Dominion Diamond Corporation, ᑐᒥᓐᔨᐊᓐ ᑕᐃᒪᓐ ᑯᐊᐳᕇᓴᓐ); ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ (De Beers Canada Inc., ᑎ ᑕᐱᐅᔅᑯᓐᓂ ᑲᓇᑕᒥ ᑎᒥᖁᑎᖓ); ᐊᕝᕚᖅᑑᖅ ᒎᓗᒥᐅᕐᕕᒃ ᐅᔭᕋᓐᓂᐊᕐᕕᒃ (TMAC ᓱᓇᒃᑯᑖᖏᑦ ᑎᒥᖁᑎᖓ); ᐊᐳᖅᑎᓐᓈᒥ ᒎᓗᓯᐅᕐᕕᒃ ᐅᔭᕋᓐᓂᐊᕐᕕᒃ (ᐋᒡᓃᑯ ᐄᒍ ᐅᔭᕋᓐᓂᐊᕐᕕᒃ ᑎᒥᖓᑦ); ᐃᖃᓗᒑᕐᔪᒃ ᒎᓗᓯᐅᕐᕕᒃ ᐱᓕᕆᐊᖅ (ᐋᒡᓃᑯ ᐄᒍ ᐅᔭᕋᓐᓂᐊᕐᕕᒃ ᑎᒥᖓᑦ); ᐊᒻᒪ ᕕᒃᑐ ᑕᐃᒪᓐ ᐅᔭᕋᓐᓂᐊᕐᕕᒃ (ᐅᐊᓐᓇᖓᓂ ᐋᓐᑎᐅᕆᔪ; De Beers Canada Inc.).

ᐃᒪᒋᓂᐊᖅᑲᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓯᕙᑖᕐᕕᒻᒥ, ᔫᓂ 2 ᑕᑯᓐᓇᕐᓗᒋᑦ ᓄᓇᐊᑉ ᖄᖓᓂ ᐊᒻᒪ ᓄᓇᐅᑉ ᐃᑭᖓᓂ ᐊᑭᑦᑐᕋᐅᑎᓂᐅᔪᑦ ᐱᖃᓯᐅᑎᓪᓗᑎ ᐊᕝᕕᕋᖅᑐᓕᓐᓂᑦ, ᐳᔪᕐᒦᑦᑐᓂᑦ, ᐊᑦᑐᓈᒧᑦ ᑐᐊᕕᕐᓇᖅᑐᓕᕆᓂᖅ, ᐋᓐᓂᖅᑐᓄᑦ ᑐᐊᕕᕐᓇᖅᑐᓕᕆᓂᖅ. ᐊᒻᒪ ᐊᓯᖏᑦ. ᑕᑯᓐᓇᕐᓗᑎ ᐅᐊᑦᑎᔩᑦ ᖃᐅᔨᓴᐃᑎᓪᓗᒋᑦ ᐊᑐᓂ ᖃᓄᐃᓘᖅᑕᐅᔪᓂᑦ, ᐊᑦᑕᓇᐃᖅᓯᒪᓂᖏᓐᓄᑦ ᑐᐊᕕᕐᓇᑐᖅᓯᐅᑏᑦ ᖃᐅᔨᓴᖅᑕᐅᓂᖏᑦ ᐱᓪᓚᕆᓐᖑᐊᖅᑎᑕᐅᔪᒃᑯᑦ. ᐅᕗᓐᖓᕐᓗᑎ wscc.nt.ca ᐅᕝᕙᓘᓐᓃᑦ wscc.nu.ca ᓇᓗᓇᐃᔭᖅᓯᒪᓂᖏᓐᓄᑦ ᓄᓇᐅᑉ ᖄᖓᓂ ᐊᒻᒪ ᓄᓇᐅᑉ ᐃᑭᐊᓂ ᑐᐊᕕᕐᓇᖅᑐᓕᕆᔩᑦ.

-30-

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᖓ:
ᒫᒋ ᑳᓕᓐᔅ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ
ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854