ᔨᐊᓗᓇᐃᕝ, ᓄᓇᑦᓯᐊᖅ (ᔫᓂ 6, 2018) – ᓯᕙᑖᕐᕕᒻᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓇᓗᓴᐃᖅᓯᓚᐅᖅᑐᑦ ᓵᓚᒃᓴᖅᑐᓂᑦ 61−ᖓᓐᓂ ᐊᕐᕌᒍᑕᒫᑦ ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓂᕆᓂᕐᒧᑦ ᐊᑭᑦᑐᕋᐅᑎᓂᖓ, ᔫᓂ 1 ᐊᒻᒪ 2, 2018 ᔨᐊᓗᓇᐃᕝᒥ. ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ De Beers Canada (ᑎ ᑕᐱᐅᔅᑯᓐᓂ ᑲᓇᑕᒥ) ᐊᖏᕋᐅᔾᔨᓚᐅᖅᑐᑦ ᐊᑕᖐᔪᒥᑦ ᓄᓇᐅᑉ ᖄᖓᓂ ᐱᔾᔪᓯᐊᒥᑦ, ᐊᒻᒪ ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ Rio Tinto Ltd. (ᕇᐅ ᑎᓐᑐ ᑎᒥᖓᑦ) ᐊᖏᕋᐅᔾᔨᓚᐅᖅᑐᑦ ᐊᑕᖐᔪᖅ ᓄᓇᐅᑉ ᐃᑭᖓᓂᐱᔾᔪᓯᐊᒥᑦ.
ᐅᓪᓘᓐᓃᒃ ᒪᕐᕉᓐᓂ ᐊᑭᑦᑐᕋᐅᑎᐅᓂᔪᖅ 8−ᖑᓚᐅᖅᑐᑦ ᑐᐊᕕᕐᓇᖅᑐᓕᕆᔩᑦ 8−ᓂᑦ ᐅᔭᕋᓐᓂᐊᕕᓐᓂᑦ ᑕᑯᔅᓴᐅᑎᑦᑎᓪᓗᒋᑦ ᐅᔭᕋᓐᓂᐊᕕᒻᒥ ᓄᓇᐅᑉ ᖄᖓᓂ ᐊᒻᒪ ᓄᓇᐅᑉ ᐃᑭᐊᓂ ᑐᐊᕕᕐᓇᖅᑐᓕᕆᓂᕐᒧᑦ ᐊᒻᒪ ᐊᔪᖏᓐᓂᕆᔭᖏᓐᓂᑦ. ᐅᔭᕋᓐᓂᐊᕐᕖᑦ ᓄᓇᑦᓯᐊᒥ, ᓄᓇᕗᑦ, ᐊᒻᒪ ᐋᓐᑎᐅᕆᔪ ᐊᑭᑦᑐᕋᐅᑎᓚᐅᖅᑐᑦ.
“ᖁᕕᐊᒋᔭᒃᑲ ᑐᐊᕕᕐᓇᖅᑐᓕᕆᔨᓕᒫᑦ ᖁᕝᕙᓯᓐᓂᖏᓐᓄᑦ ᐱᔪᓐᓇᑎᐊᕐᓂᖏᓐᓄᑦ,” ᐅᖃᖅᑐᖅ ᓕᐊᒃ ᓚᕚᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓕᕆᓂᕐᒧᑦ ᐊᐅᓚᑦᑎᔨ ᐊᒻᒪ ᖃᐅᔨᓴᖅᑎ ᐅᔭᕋᓐᓂᐊᕐᕕᓂᑦ. “ᐊᕐᕌᒍᑕᒫᑦ, ᐅᕙᑦᑎᓂ ᐅᐱᒍᓱᑦᑎᑦᑎᕙᑦᑐᑦ ᐃᓱᒪᑲᐅᖅᑐᕐᓂᖏᓐᓄᑦ, ᐊᑲᐅᖏᓕᐅᕈᑎᓂᑦ ᐋᖅᑭᔅᓯᒍᓐᓇᕐᓂᖏᓐᓄᑦ, ᐊᒻᒪ ᐃᖅᑲᓇᐃᔭᖃᑎᒌᓐᓂᖏᓐᓄᑦ. ᓂᕆᐅᓐᓂᖅᑕᖃᐃᓐᓇᖅᑐᖅ ᖃᐃᖅᑯᔭᐅᓚᐅᖅᓯᒪᖏᓪᓗᑎ ᑕᑯᔅᓴᐅᑎᑦᑎᓗᑎ ᐊᔪᖏᓐᓂᕆᔭᖏᓐᓂᑦ ᐱᓪᓚᕿᐅᔪᒥᑦ ᖃᓄᐃᓐᓂᐅᔪᓐᓇᖅᑐᒥᑦ, ᑭᓯᐊᓂ ᖃᐅᔨᒪᔪᑦ ᖃᓄᐃᓘᕆᐊᔅᓴᖅ ᑐᐊᕕᕐᓇᖅᑐᑕᖃᖅᑎᓪᓗᒍ. ᐅᑭᐅᑕᖅᑐᒥᑦ ᐅᔭᕋᓐᓂᐊᕐᕖᑦ ᖁᓚᖏᒍᓐᓇᖅᑐᑦ ᑎᒍᒥᐊᖅᑕᐅᑎᐊᖅᑐᒍᑦ.”
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓇᓗᓇᐃᖅᓯᓚᐅᖅᑐᑦ ᓵᓚᒃᓴᖅᑐᓂᑦ ᐱᔾᔪᓯᐊᖅᑎᓪᓗᒋᑦ ᓂᕆᓂᖃᖅᑎᓪᓗᒋᑦ ᓯᕙᑖᕐᕕᒻᒥ ᐅᓐᓄᒃᑯᑦ. ᓵᓚᒃᓴᓚᐅᖅᑐᑦ ᐃᓄᑑᔪᓄᑦ ᐅᑯᐊᖑᔪᑦ:
ᓵᓕᓐᓂᑦ ᐱᓕᕆᔨ |
ᐳᕌᑦ ᑕᐅᕕ, ᐊᕝᕚᖅᑑᖅ ᒎᓗᒥᐅᕐᕕᒃ ᐅᔭᕋᓐᓂᐊᕐᕕᒃ, ᓄᓇᕗᑦ |
ᓄᓇᐅᑉ ᖄᖓᓂ ᑐᐊᕕᕐᓇᖅᑐᓕᕆᔾᔪᑎ |
ᐹᕕᓐᓛᓐ ᐅᔭᕋᓐᓂᐊᕐᕕᒃ, ᓄᓇᕗᑦ |
ᓄᓇᐅᑉ ᐃᑭᖓᓂ ᑐᐊᕕᕐᓇᖅᑐᓕᕆᔾᔪᑎ |
ᐃᖃᓗᒑᕐᔪᒃ ᒎᓗᒥᐅᕐᕕᒃ ᐱᓕᕆᐊᖅ, ᓄᓇᕗᑦ |
ᓄᓇᐅᑉ ᖄᖓᓂ ᐱᓕᕆᔭᐅᕙᑦᑐᑦ |
ᐹᕕᓐᓛᓐ ᐅᔭᕋᓐᓂᐊᕐᕕᒃ, ᓄᓇᕗᑦ (ᐹᕕᓐᓛᓐ ᑯᐊᐳᕇᓴᓐ) |
ᖃᑦᑎᕆᓂᖅ |
ᐃᑳᑎ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ |
ᓄᓇᐅᑉ ᖄᖓᓂ ᐊᑦᑐᓈᒧᑦ ᐃᓅᓕᒃᓯᒍᑏᑦ |
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ |
ᓄᓇᐅᑉ ᐃᑭᖓᓂ ᐊᑦᑐᓈᒧᑦ ᐃᓅᓕᒃᓯᒍᑏᑦ |
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ |
ᓄᓇᐅᑉ ᖄᖓᓂ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᖅ |
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ |
ᓄᓇᐅᑉ ᐃᑭᖓᓂ ᑎᑎᕋᖅᓯᒪᔪᓂᑦ ᖃᐅᔨᓴᖅᑕᐅᓂᖅ |
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ |
ᓄᓇᐅᑉ ᖄᖓᓂ ᐳᔪᒧᑦ |
ᐹᕕᓐᓛᓐ ᐅᔭᕋᓐᓂᐊᕐᕕᒃ, ᓄᓇᕗᑦ (ᐹᕕᓐᓛᓐ ᑯᐊᐳᕇᓴᓐ) |
ᓄᓇᐅᑉ ᐃᑭᖓᓂ ᐳᔪᒧᑦ |
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ |
ᓄᓇᐅᑉ ᐃᑭᖓᓂ ᓵᓕᓐᓂᑦ/ᐱᓕᕆᕝᕕᖕᒥ ᖃᐅᔨᓴᖅᑕᐅᓂᖅ |
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ |
ᓄᓇᐅᑉ ᖄᖓᓂ ᐊᕝᕕᐊᕈᑕᐅᔪᑦ/ᒪᑐᓯᒪᔪᑦ |
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ |
ᓄᓇᐅᑉ ᐃᑭᖓᓂ ᐊᕝᕕᐊᕈᑕᐅᔪᑦ |
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ |
ᐊᑕᖐᔪᒥᑦ ᓄᓇᐅᑉ ᖄᖓᓂ |
ᒑᓱ ᑯ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ |
ᐊᑕᖐᔪᖅ ᓄᓇᐅᑉ ᐃᑭᖓᓂ |
ᑕᐃᕕᒃ ᑕᐃᒪᓐ ᐅᔭᕋᓐᓂᐊᕐᕕᒃ, ᓄᓇᑦᓯᐊᖅ |
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖁᔭᓐᓇᒦᕈᒪᔪᑦ ᐃᓚᐅᖃᑕᐅᓚᐅᖅᑐᓕᒫᓂᑦ ᐊᒻᒪ ᖁᕕᐊᓱᒋᐊᖅᑐᓚᐅᖅᑐᑦ 61−ᖓᓐᓂ ᐊᕐᕌᒍᑕᒫᑦ ᐅᔭᕋᓐᓂᐊᕕᒻᒥ ᑐᐊᕕᕐᓇᖅᑐᓂᕆᓂᕐᒧᑦ ᐊᑭᑦᑐᕋᐅᑎᓂᖓ.
-30-
ᒫᒋ ᑳᓕᓐᔅ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ
ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854