ᐅᖃᐅᓯᖅᑎᑦ ᐊᑐᖅᑐᑦ: ᑎᑎᕋᖅᑕᐅᑦᑎᐊᕋᓱᒃᑐᑦ ᐱᓇᔪᒃᑕᐅᔪᑦ ᐋᓐᓂᐊᖃᕐᓇᖏᑦᑐᓄᑦ ᐱᓕᕆᔨ ᐊᒻᒪᓗ ᐊᑦᑕᕐᓇᑦᑕᐃᓕᓂᕐᒧᑦ ᒪᓕᒐᐃᑦ

ᕖᕝᕗᐊᕆ 05 / 2018

ᐅᖃᐅᓯᖅᑎᑦ ᐊᑐᖅᑐᑦ: ᑎᑎᕋᖅᑕᐅᑦᑎᐊᕋᓱᒃᑐᑦ ᐱᓇᔪᒃᑕᐅᔪᑦ ᐋᓐᓂᐊᖃᕐᓇᖏᑦᑐᓄᑦ ᐱᓕᕆᔨ ᐊᒻᒪᓗ ᐊᑦᑕᕐᓇᑦᑕᐃᓕᓂᕐᒧᑦ ᒪᓕᒐᐃᑦ

ᓄᑖᑦ ᐋᓐᓂᐊᖃᕐᓇᖏᑦᑐᓄᑦ ᐱᓕᕆᔨ ᐊᒻᒪᓗ ᐊᑦᑕᕐᓇᑦᑕᐃᓕᓂᕐᒧᑦ ᒪᓕᒐᐃᑦ (“ᒪᓕᒐᐃᑦ”) ᐊᑐᓕᖅᓯᒪᔪᑦ ᓄᓇᑦᓯᐊᕐᒥ ᔫᓂ 2015-ᒥ, ᐊᒻᒪᓗ ᓄᓇᕗᑦᒥ ᒫᔾᔨ 2016-ᒥᑦ. ᑕᐃᒪᙵᓂ ᓯᕗᓪᓕᕐᒥ ᒪᓕᒐᙳᖅᑎᑕᐅᒐᒥᒃ, ᓴᓇᕝᕖᑦ ᐊᒻᒪᓗ ᐃᖅᑲᓇᐃᔭᖅᑏᑦ ᒪᓕᒐᓂᒃ ᖃᐅᔨᒪᓕᖅᐹᓪᓕᖅᓯᒪᕗᑦ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓂᒃ (WSCC) ᐊᑦᑕᕐᓇᖅᑐᓂᑦ ᐱᓕᕆᔨᐅᔪᑦ ᓴᓇᕝᕕᖕᓂ ᐊᒻᒪᓗ ᐃᖅᑲᓇᐃᔭᖅᑐᓂ ᐱᓕᕆᖃᑎᖃᖅᓯᒪᔪᑦ ᐊᒻᒪᓗ ᑐᓴᕆᐊᖅᓯᒪᓪᓗᑎᒃ ᒪᓕᒐᓂᑦ ᖃᐅᔨᒪᑦᑎᐊᕐᒪᖔᑦ, ᐃᓚᖏᑦ ᓇᓗᓇᐃᖅᑕᐅᓯᒪᔪᑦ ᑐᑭᓯᓇᖅᓯᑎᑕᐅᑦᑎᐊᕈᓐᓇᖅᑐᑦ. ᒪᓕᒐᐃᑦ ᑐᕌᒐᖏᑦ ᐃᓚᑰᓂᖏᑦ ᐊᒻᒪᓗ ᐃᑲᔫᑏᑦ ᓇᓗᓇᐃᖅᑕᐅᓚᐅᕐᒥᔪᑦ.

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓂᒃ (WSCC)-ᑯᑦ ᕿᒥᕐᕈᐃᓐᓇᖅᑐᑦ ᒪᓕᒐᓂᑦ ᑲᒪᒋᔭᖏᓐᓂ ᓄᑖᖑᒐᓗᐊᕐᒪᖔᑦ ᐊᒻᒪᓗ ᐱᓕᕆᐊᕆᓇᓱᒃᑕᖓᓂ ᐱᓕᕆᑦᑎᐊᕋᓗᐊᕐᒪᖔ. ᐱᖁᑎᖃᖅᑐᓂ ᐃᓱᒫᓘᑎᒋᔭᐅᔪᑦ ᑎᑎᕋᖅᑕᐅᔪᑦ ᐊᒻᒪᓗ ᕿᒥᕐᕈᔭᐅᓪᓗᑎᒃ ᖃᐅᔨᓇᓱᒃᖢᑎᒃ ᒪᓕᒐᖅ ᐊᓯᔾᔨᖅᑕᐅᔭᕆᐊᖃᕐᒪᖔ. ᐃᓱᒫᓘᑕᐅᔪᑦ ᓴᖅᑭᑉᐸᑕ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓂᒃ (WSCC)-ᑯᑦ ᐱᖁᑎᖃᖅᑐᓂ ᐱᓕᕆᖃᑎᖃᕐᓗᑎᒃ, ᐅᕝᕙᓘᓐᓃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓂᒃ (WSCC)-ᑯᑦ ᒪᓕᒐᕐᓂᑦ ᐊᔭᐅᖅᑐᕐᓗᒋᑦ, ᖃᐅᔨᓴᖅᑕᐅᖕᒥᔪᖅ.

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓂᒃ (WSCC)-ᑯᑦ ᑎᑎᕋᖅᓯᒪᔪᑦ ᒪᓕᒐᕐᓄᑦ ᐊᓯᔾᔨᖅᑕᐅᓂᐊᖅᑐᑦ ᐸᕐᓇᒃᓯᒪᔪᓄᑦ ᐅᓄᖏᑦᑐᑦ ᐃᓱᒫᓘᑏᑦ ᓇᓗᓇᐃᖅᑕᐅᓯᒪᔪᑦ ᐱᓕᕆᐊᕆᓗᒋᑦ. ᐃᓚᐅᖁᕙᑦᑎᒋ ᐊᓯᔾᔨᖅᑕᐅᔪᒪᔪᑦ ᕿᒥᕐᕈᓗᒋᑦ ᐊᒻᒪᓗ ᐅᖃᐅᓯᒃᓴᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓂᒃ (WSCC)-ᑯᓐᓄᑦ. ᐅᖃᐅᓯᕆᓗᒋᑦ. ᒫᓐᓇ ᒪᓕᒐᐅᔪᑦ ᓇᓂᔭᐅᔪᓐᓇᖅᑐ ᖃᕋᓴᐅᔭᕐᒧᑦ ᑐᕌᕈᑏᑦ ᐊᓯᔾᔨᖅᑕᐅᓇᓱᒃᑑᑉ ᐱᓇᔪᒃᑕᖏᑕ ᐃᓗᐊᓂ ᐃᓚᓕᐅᑎᓯᒪᔪᑦ.

ᐅᖃᐅᓯᖅᑎᑦ ᐱᔪᒪᒐᓗᐊᖅᐸᕗᑦ ᕖᕝᕗᐊᕆ 28, 2018-ᖑᓚᐅᖏᓐᓂᐊᓂ. ᐅᖃᐅᓯᒃᓴᑎᑦ ᐊᐅᓪᓚᖅᑎᒃᑭ ᐅᕗᖓ ᖃᕋᓴᐅᔭᒃᑯᑦ ᑎᑎᖅᑲᒃᑯᕕᖕᒧᑦ lawfeedback@wscc.nt.ca.

ᐅᖃᕈᒪᓗᑎᑦ ᐱᕕᒃᓴᖃᒃᑲᓐᓂᕈᒪᒍᕕᑦ, ᑐᓴᖅᑎᑕᐅᑕ ᖃᕋᓴᐅᔭᒃᑯᑦ ᑎᑎᖅᑲᒃᑯᕕᖕᒧᑦ ᑎᑎᕋᖅᓯᒪᔪᒧᑦ ᖁᓛᓃᑦᑐᒧᑦ.

English | French | Inuktitut | Inuinnaqtun