ᐊᕐᕌᒍᑕᒫᖅ ᑕᕆᔭᐅᓯᐅᕐᓂᕐᒧᑦ ᐱᒡᒎᖕᓂᖅ

ᐊᕐᕌᒍᑕᒫᖅ ᑕᕆᔭᐅᓯᐅᕐᓂᕐᒧᑦ ᐱᒡᒎᖕᓂᖅ


ᐊᕐᕌᒍᒻᒧᑦ ᑕᕐᕆᔮᑦᓴᒃᑯᑦ ᓵᓚᑦᓴᕐᓂᖅ ᒪᑐᒪᓕᖅᑐᖅ. 


ᐊᐱᕆᒋᑦ, ᐱᓐᓇᕆᔭᐅᔪᑎᑦ! ᒪᒃᑯᒃᑐᓄᑦ ᑕᕐᕆᔮᒃᓴᓕᐅᕐᓂᕐᒧᑦ ᓵᓚᖃᕋᓱᐊᕐᓂᖅ ᒪᑐᐃᖓᓕᖅᐳᖅ ᑐᓂᓯᓂᐅᔪᒧᑦ!

ᓴᓇᓗᑎᑦ 2 ᒥᓂᑦᒥ ᑕᕐᕆᔮᒃᓴᓕᐅᕐᓂᕐᒥ ᐱᔾᔪᑎᖃᖅᑐᒥ ᐊᑦᑕᓇᔾᔭᐃᖅᓯᒪᓂᕐᒥ ᐃᖅᑲᓇᐃᔭᕐᕕᖕᒥ ᓵᓚᖃᕋᓱᐊᕐᓂᕐᓄᑦ!

ᐊᕐᕌᒍᑕᒫᒥ, ᐊᒥᓱᒻᒪᕆᐅᔪᑦ ᒪᒃᑯᒃᑐᑦ ᐃᖅᑲᓇᐃᔭᕆᐅᖅᐳᑦ, ᖃᐅᔨᒪᑦᑎᐊᙱᑕᖏᓐᓅᖅᑕᐅᔪᑦ ᖃᐅᔨᒪᙱᑐᐃᓐᓇᕆᐊᖃᖅᖢᑎᒃ ᖃᓄᖅ ᐃᒻᒥᓂᒃ ᐊᑦᑕᓇᔾᔭᐃᖅᓯᒪᓂᕐᒧᑦ. ᖃᐅᔨᒪᕕᑦ ᖃᓄᐃᓕᐅᕆᐊᖃᕐᓂᕐᓂᑦ ᐊᑦᑕᓇᖅᑐᒦᓕᕋᓱᒋᒍᕕᑦ ᐊᒻᒪ ᖃᓄᖅ ᐃᒻᒥᓂᒃ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᖕᒥ?

ᓴᓇᖁᔨᕗᒍᑦ ᑕᕐᕆᔮᒃᓴᓕᐊᒥᒃ ᐅᖃᐅᔾᔨᓂᐊᖅᑐᒥ ᐊᒻᒪ ᑲᔪᖏᖅᓴᐃᓗᓂ ᒪᒃᑯᒃᑐᓂ ᐃᓕᒃᑎᑎᑐᑦ ᑲᓇᑕᓕᒫᒥ ᐃᓱᒪᓂᕐᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᖕᒥ.  

2019 ᐃᓯᕈᑎᐊᓂ ᐃᓱᓕᕝᕕᒃᓴᐅᑖ: ᐄᐳᕈ 1, 11:59−ᒥ ᐅᓐᓄᒃᑯᑦ ᐅᐊᓕᓂᐅᑉ ᓯᕿᓐᖑᔭᖓ

ᑭᓱᓂᑦ ᓵᓚᒃᓴᐅᓯᐊᕋᔭᖅᐸᑦ?

ᓄᓇᑦᑎᐊᒥ ᓄᓇᕘᒥᓗ ᓵᓚᖃᕋᓱᐊᕐᓂᕐᒥᒃ (ᓯᕗᓪᓕᖅᐹᖅᓯᐅᑦ)
$1,000 ᑐᓂᔭᐅᒐᔭᖅᐳᖅ ᓯᕗᓪᓕᖅᐹᖑᔪᓄᑦ ᑕᕐᕆᔮᒃᓴᓕᐅᕐᓂᕐᒧᑦ ᑕᐱᕇᓄᑦ ᐃᓄᖕᒧᓪᓘᓐᓃᑦ ᓄᓇᑦᑎᐊᒥ/ᓄᓇᕗᒻᒥ ᓵᓚᖃᕋᓱᐊᕐᓂᕐᒧᑦ.
$1,000−ᒥ ᓇᓕᒧᑦᑐᒥ ᓵᓚᖃᐅᓯᐊᒥᑦ ᑯᓂᔭᐅᓗᓂ ᓵᓚᒃᓴᖅᑐᓄᑦ ᑕᐱᕇᖑᔪᓄᑦ ᑲᒪᒋᔭᐅᔪᒥ ᐃᓕᓐᓂᐊᕐᕕᖕᒥ/ᑲᑐᔾᔨᖃᑎᒌᖑᔪᒥ.

ᑲᓇᑕᒥ ᓵᓚᒃᓴᕋᓲᑎᑦ ᑭᖑᓪᓕᖅᐹᖅ (ᑭᖑᓪᓕᖅᐹᖅᓯᐅᑦ)
ᓵᓚᒃᓴᖅᑐᖅ ᑕᕐᕆᔮᒃᓴᓕᐊᖅ ᓄᓇᑦᓯᐊᒥ/ᓄᓇᕗᒻᒥ ᑲᔪᓯᓇᔭᖅᐳᖅ ᑲᓇᑕᒥ ᑭᖑᓪᓕᖅᐹᖅᓯᐅᒻᒥ ᓵᓚᒃᓴᕋᓲᑎᒧᑦ. ᑕᐃᑲᓂ, ᓵᓚᒃᓴᖃᑕᐅᒐᓱᒃᑲᔭᖅᐳᖅ ᓯᕗᓪᓕᖅᐹᖅᓯᐅᒻᒥᒃ ᖄᒃᑲᓐᓂᐊᒍᑦ $2,000−ᓂᑦ. ᑐᓪᓕᕆᔭᖅ ᐱᒐᔭᖅᐳᖅ $1,500-ᓂᑦ, ᐱᖓᔪᒋᔭᕐᓗ ᐱᒐᔭᖅᑐᓂ $1,000−ᓂᑦ.
ᐊᑐᓂ ᓵᓚᒃᓴᖅᑐᑦ ᐃᓕᓐᓂᐊᕕᒻᒧᑦ/ᒪᒃᑯᑦᑐᑦ ᑎᒥᖓᓐᓄᑦ ᐱᒐᔭᖅᐳᑦ ᐊᔾᔨᖓᓂᒃ ᓵᓚᒃᓴᕈᓯᐊᓂᑦ ᑲᑎᓪᓗᒋᑦ ᐃᓄᑐᐃᓐᓇᕐᒧᑦ ᑕᐱᕇᖕᓄᓪᓘᓐᓃᑦ ᐃᓕᓐᓂᐊᖅᑎᓂᑦ.

ᑭᒃᑯᑦ ᐱᖃᑕᐅᔪᓐᓇᖅᐸᑦ?

ᑕᒪᓐᓇᓵᓚᖃᕋᓱᐊᕐᓂᖅ ᒪᑐᐃᖓᕗᖅ ᓄᓇᑦᑎᐊᓕᒫᒥ ᓄᓇᕘᓕᒫᒥᓗ ᖁᑦᑎᓂᖅᓴᓄᑦ ᐃᓕᓐᓂᐊᕕᓐᓄᑦ ᐊᒻᒪ ᒪᒃᑯᒃᑐᑦ ᑎᒥᖏᓐᓄᓗ ᐃᓕᓐᓂᐊᖅᑎᖁᑎᓕᓐᓄᑦ ᒍᓚᐃᑦ 9−ᒥᒃ 12−ᒧᑦ. ᐊᑐᓂ ᑕᐱᕇᑦ ᑲᒪᔨᖃᕆᐊᖃᖅᐳᑦ ᖁᑦᑎᒃᑐᒥ ᐃᓕᓐᓂᐊᕐᕕᖓᓂᒃ ᐅᕝᕙᓘᓐᓃᑦ ᒪᒃᑯᒃᑐᓂ ᑲᑐᔾᔨᖃᑎᒌᖑᔪᓂ ᐱᓕᕆᓂᐊᖅᑐᒥᒃ ᑕᐱᕇᓂᒃ.

ᑕᕐᕆᔮᒃᓴᓕᐊᕋ ᓱᓇᓕᕆᔪᒃᓴᐅᕙ?

ᐊᕐᕌᒍᑦᑎᓐᓂ ᐱᔾᔪᑎᖃᕐᓂᐊᖅᐳᖅ #FocusOnSafety (ᑐᕌᖓᓂᒃ ᐊᑦᑕᓇᖅᑕᐃᓕᓂᕐᒧᑦ), ᑕᐃᒪᑦᑕᕆᐊᖃᖅᐳᖅ ᑕᕐᕆᔮᒃᓴᓕᐊᒥᒃ: ᐊᑦᑕᓇᔾᔭᐃᖅᓯᒪᓂᕐᒧᑦ ᑐᕌᖓᔪᒃᓴᐅᕗᑦ. ᑕᒪᑐᒪᐅᑉ ᐊᓯᐊᒍᑦ, ᐃᓱᒪᖅᓱᖅᐳᑎᑦ! ᐱᓐᖑᐊᖅᑎᑐᐃᓐᓇᐅᒍᓐᓇᖅᑐᑦ, ᐊᐅᓚᔫᓐᖑᐊᑦ, ᓄᖅᑲᑕᖅᑑᓪᓗᓂ, ᓂᔾᔭᐅᓯᔭᖅᑑᖑᐊᕐᓗᓂᓘᓐᓃᑦ − ᐃᓱᒪᖅᓱᖅᐳᑎᑦ ᑕᒪᑐᒨᓇ.

ᖃᓄᖅ ᐊᑯᓂᐅᑎᒋᓪᓗᐊᖅᐸ ᑕᕐᕆᔮᒃᓴᓕᐊᕋ?

ᑕᕐᕆᔮᒃᓴᓕᐅᑦ ᖄᖏᐅᑎᔭᐊᖃᙱᑦᑐᖅ 2 ᒥᓂᑦᓂ ᐃᓚᖃᖅᑐᒥ ᑕᐃᒎᓯᖓᓐᓂ ᐊᒻᒪ ᑭᓇᒧᑦ ᑐᕌᖓᓂᖓᓂ. ᑭᓯᐊᓂ, ᓇᐃᓐᓂᖅᓴᓂ ᑕᕐᕆᔮᒃᓴᓕᐊᓂ ᑐᙵ ᒃᑎᑕᐅᕗᑦ!

ᖃᓄᖅ ᑐᓂᓯᓂᐊᖅᐳᖓ ᐃᓯᕈᑎᓐᓂ?

a) ᖃᕋᓴᐅᔭᒃᑯᑦ ᓇᒃᓯᐅᑎᓗᒍ ᑕᕐᕆᔮᒃᓴᓕᐊᕐᓂᑦ YouTube-ᒧᑦ ᐊᒻᒪ ᖃᕋᓴᐅᔭᒃᑯᑦ ᐊᐅᓪᓚᖅᑎᓪᓗᒍ ᑕᑕᑎᖅᓯᒪᔪᖅ ᐱᖃᑕᐅᓂᐊᕐᓂᕐᒧᑦ ᐃᓯᕈᑎᐊᓄᑦ ᑕᑕᑎᕆᐊᓕᒃ ᐊᒻᒪ ᑕᕐᕆᔮᒃᓴᓕᐅᕐᓂᕐᒧᑦ ᑲᓱᕐᕕᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᑕᕐᕆᔮᒃᓴᓕᐅᕐᓂᕐᒧᑦ ᓵᓚᖃᕋᓱᐊᕐᓂᐅᔪᒧᑦ ᑐᑭᒧᐊᕆᔨᖓᓄᑦ.

ᐅᕝᕙᓘᓐᓃᑦ

b) ᓇᒃᓯᐅᑎᓗᒍ ᑕᕐᕆᔮᒃᓴᓕᐊᕐᓂᑦ ᕿᕐᓗᖅᑐᒃᑯᑦ, ᑏᕖᑏᒃᑯᑦ USB−ᑯᓪᓘᓐᓃᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓵᓚᖃᕋᓱᐊᕐᓂᕐᒥᑦ ᑐᑭᒧᐊᖅᑎᖓᓄᑦ ᐅᕙᓂ:
#FocusOnSafety Video Contest
Workers’ Safety and Compensation Commission
Centre Square Tower, 5th Floor
5022 49th Street
Box 8888
Yellowknife, NT  X1A 2R3

ᖃᖓᒃᑯᑦ ᓵᓚᒃᓴᖅᑐᑦ ᑐᓴᖅᑎᑕᐅᒍᑕᐅᒐᔭᖅᐸᑦ?

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᐅᔨᒃᑲᐃᒐᔭᖅᐳᑦ ᓵᓚᒃᓴᖅᑐᓂᑦ ᑕᐱᕇᓂᒃ ᐄᐳᕈ 10, 2019 ᑎᑭᓐᓇᓱᓐᓂᖓᓂ ᓄᓇᑦᑎᐊᕐᒥ ᓄᓇᕗᒻᒥᓗ ᓵᓚᖃᕋᓱᐊᕐᓂᕐᒥᑦ.
ᑲᓇᑕᓕᒫᒥ ᓵᓚᖃᕋᓱᐊᕐᓂᕐᒧᑦ ᑲᒪᔩᑦ ᖃᐅᔨᒃᑲᐃᒐᔭᖅᐳᑦ ᓵᓚᒃᓴᖅᑐᓂᑦ ᑕᐱᕇᓂᑦ ᐊᐃᑉᕆᓕ 30, 2019, ᑎᑭᓐᓇᓱᓐᓂᖓᓂ ᑲᓇᑕᓕᒫᒧᑦ ᓵᓚᖃᕋᓱᐊᕐᓂᕐᒧᑦ.

ᑲᔪᖏᖅᓴᐃᒋᑦ!

ᖃᐅᔨᒋᐊᕈᒃ #FocusOnSafety (ᑐᕌᖓᓂᒃ ᐊᑦᑕᓇᖅᑕᐃᓕᓂᕐᒧᑦ) ᑕᕐᕆᔮᒃᓴᓕᐅᕐᓂᕐᒧᑦ ᓵᓚᖃᕋᓱᐊᕐᓂᐅᔪᒥ ᓯᕗᓂᐊᓂ ᐃᓚᐅᖃᑕᐅᓚᐅᖅᑐᓂ:

2018−ᒥ ᑕᕐᕆᔮᒃᓴᓕᐅᓂᑦ ᑲᓇᑕᒥ ᐱᔪᓐᓇᕐᓂᖃᕐᕕᒋᔭᖓᓐᓂᑦ
• 2017−ᒥ ᑕᕐᕆᔮᒃᓴᓕᐅᓂᑦ ᑲᓇᑕᒥ ᐱᔪᓐᓇᕐᓂᖃᕐᕕᒋᔭᖓᓐᓂᑦ

2019 ᐃᓯᕈᑎᐊᓂ ᐃᓱᓕᕝᕕᒃᓴᐅᑖ: ᐄᐳᕈ 1, 11:59−ᒥ ᐅᓐᓄᒃᑯᑦ ᐅᐊᓕᓂᐅᑉ ᓯᕿᓐᖑᔭᖓ

ᒪᓕᒐᐃᑦ ᐊᒻᒪ ᐅᖃᐅᓯᒃᓴᓄᑦ ᐸᐃᑉᐹᖓ
ᐃᓯᕈᑎᐊᓄᑦ ᑕᑕᑎᕈᑎᓪᓚᑦᑖᖅ
ᓂᕕᙵᑕᖅ


ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᐅᖅᓰᑎᑦᑎᓂᕐᒧᓪᓗ ᑲᒥᓴᓇᒃᑯᑦ ᑲᒪᕙᒃᐳᑦ ᐊᕐᕌᒍᑕᑦ ᑕᕐᕆᔮᒃᓴᓕᐅᕐᓂᕐᒥ ᓵᓚᖃᕋᓱᐊᕐᓂᕐᒥᑦ ᑭᒡᒐᑐᖅᑐᒋᑦ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS). ᐃᖅᑲᓇᐃᔭᖅᑎᓄᑦᐊᑦᑕᓇᖅᑐᓂᒃᐊᒻᒪᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐋᖅᑮᕙᑉᐳᑦ ᑲᒪᕙᑦᑐᑎᓪᓗ ᓄᓇᑦᑎᐊᒥ ᓄᓇᕗᒻᒥᓗ ᓵᓚᖃᕋᓱᐊᕐᓂᕐᒥᑦ. ᓵᓚᒃᓴᖅᑐᐃᑦ ᐱᖃᑕᐅᓕᕋᔭᖅᐳᑦ ᓄᓇᑦᑎᐊᕐᒥ ᓄᓇᕗᒻᒥᓪᓗ ᓵᓚᖃᕋᓱᐊᕐᓂᕐᒥ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS) ᑭᖑᓪᓕᖅᐹᒥ ᑲᓇᑕᒥ ᓵᓚᒃᓴᕋᓱᓐᓂᖏᓐᓄᑦ.

ᐃᑲᔪᖅᑕᐅᓂᖃᖅᑐᖅ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS).